|
ყველა
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
|
|
ყველაფერი ყირამალა ავტორი: დონალდ ბისეტი გამოშვების თარიღი: 2011 ფასი: 6 ლარი |
|
მოითმინე!.. ძია ტიკ-ტაკი თავის ფანტაზიასთან რეკავს რჩევის საკითხავად!.. გაინტერესებს, რა რჩევა სჭირდება ხელობით მესაათეს, ხანდახან საოცრებების გამომგონებელ ძია ტიკ-ტაკს?! რა ხდება, როდესაც ვეფხვი და ცხენი სასტუმრო ოთახში ხალიჩის ქვეშ ცხოვრობენ? ან რატომ ბნელა ყოველთვის კიბეების ქვეშ საკუჭნაოებში?.. ინგლისელი მწერლის, დონალდ ბისეტის ამ წიგნში კიდევ ბევრ უცნაურ ამბავს წაიკითხავ, მაგალითად, რა ხდება, როდესაც ვინმეს ისეთი მნიშვნელოვანი რამ ავიწყდება, როგორიც დაბადების დღეა; გაიგებ, რას ნიშნავს სიტყვა "ირაპაღზი" და შეიტყობ, როგორ შეიძლება ერთ წამში ყველაფერი ყირამალა დადგეს. |
|
ბიძია რიმუსის ზღაპრები ავტორი: ჯოელ ჰარისი გამოშვების თარიღი: 2011 ფასი: 6 ლარი |
|
ჯოელ ჩენდლერ ჰარისი ამერიკელი მწერალია. მან მთელი თავისი ცხოვრება ჩრდილოეთ ამერიკის შავკანიანებში გაატარა.ბავშვობისას ჰარისი ხშირად ისმენდა მხიარულ და სასაცილო ზღაპრებს, რომლებიც ამ ადამიანებმა თავიანთი სამშობლოდან – აფრიკიდან ჩამოიტანეს. ამ ზღაპრებს ჯოელს კეთილი შავკანიანი მოხუცი, ბიძია რიმუსი უყვებოდა. ჯოელს ძალიან უყვარდა ალერსიანი მოხუცი და თავის წიგნსაც ამიტომ დაარქვა "ბიძია რიმუსის ზღაპრები". |
|
თოვლის დედოფალი ავტორი: ჰანს კრისტიან ანდერსენი გამოშვების თარიღი: 2011 ფასი: 6 ლარი |
|
ზღაპარში ყოველთვის საკვირველი ამბები ხდება. ისეთი, გულისფანცქალით რომ კითხულობ, რა მოხდება მერე... აი, მაგალითად, როდესაც "თოვლის დედოფალს" წაიკითხავ, აუცილებლად აგიჩქარდება გული იმ მომენტში, როცა პატარა გერდა მძინარე ბიჭს დაჰყურებს... მოლოდინად გადაიქცევი, როდესაც პატარა სირინოზი, დანით ხელში, უფლისწულისკენ მიდის... დაელოდები, როგორ დაასრულებს ქარი თავის ნაამბობს ერთ უცნაურ კაცზე... მართლაც საოცარი ზღაპრების ავტორი დანიელი მეზღაპრე ჰანს კრისტიან ანდერსენია. დღეს მისი სახელობის პრემია არსებობს, რომელიც იმდენად მნიშვნელოვანია, რომ მას "მცირე ნობელის პრემიასაც" უწოდებენ. |
|
უჩინარი კაცი ავტორი: ჰერბერტ უელსი გამოშვების თარიღი: 2011 ფასი: 6 ლარი |
|
ცნობილი ინგლისელი მწერალი, ჰერბერტ უელსი საინტერესო და პოპულარული ლიტერატურული ჟანრის, სამეცნიერო ფანტასტიკის ერთ-ერთი ფუძემდებელია. მისი ცნობილი ნაწარმოებები: "დროის მანქანა", "დოქტორი მოროს კუნძული", "სამყაროთა ომები", "უჩინარი კაცი" და მრავალი სხვა დღეს უკვე სამეცნიერო ფანტასტიკის კლასიკადაა ქცეული.
"უჩინარი კაცი" პირველად 1897 წელს გამოქვეყნდა და მალევე მოიპოვა პოპულარობა. რომანმა ახალგაზრდა, ექსცენტრიკულ მეცნიერზე, რომელსაც უჩინარ ადამიანთა რასის შექმნა სურს, გამოსვლის დღიდანვე მიიპყრო მკითხველის ყურადღება და უკვე 1933 წელს რომანის მიხედვით პირველი ფილმი გადაიღეს. უჩინარი კაცის თემაზე დღემდე ათამდე ფილმი თუ სატელევიზიო სერიალია გადაღებული. |
|
გავროში ავტორი: ვიქტორ ჰიუგო გამოშვების თარიღი: 2001 ფასი: 6 ლარი |
|
წიგნი დიდი ფრანგი მწერლის, ვიქტორ ჰიუგოს მცირე ნაწარმოებებს აერთიანებს. "გავროში", "სიკვდილმისჯილის უკანასკნელი დღე" და "კლოდ გე" ჰიუგოს სამშობლოს ისტორიის ერთ-ერთ ურთულეს პერიოდზე – საფრანგეთის დიდი რევოლუციის მძიმე წლებზე მოგვიხრობს.სწორედ მეთვრამეტე საუკუნის ოთხმოცდაათიანი წლების ტრაგიზმმა დააწყებინა წერა ჰიუგოს, რომლის თითქმის ყველა რომანსა თუ მოთხრობაში იგრძნობა რევოლუციისა და რევოლუციონერების, ასევე დამნაშავეებისა და გაუბედურებული ადამიანების მიმართ თანაგრძნობა. |
|
ადამიანი ამფიბია ავტორი: ალექსანდრე ბელიაევი გამოშვების თარიღი: 2011 ფასი: 6 ლარი |
|
ცნობილი რუსი მწერალი, ალექსანდრე ბელიაევი რუსული სამეცნიერო ფანტასტიკის ერთ-ერთი ფუძემდებელია. მე-20 საუკუნის 30-იან წლებში დაწერილი მისი ერთ-ერთი ყველაზე ცნობილი ნაწარმოები, "ადამიანი-ამფიბია", ადამიანების მიერ "ზღვის ეშმაკად" წოდებულ უცნაურ ჰუმანოიდზე მოგვითხრობს. 1960 წელს გადაღებულმა ამავე სახელწოდების ფილმმა "ადამიან-ამფიბიას" განსაკუთრებით გაუთქვა სახელი. |
|
ჰობიტი ავტორი: ჯ.რ.რ. ტოლკინი გამოშვების თარიღი: 2011 ფასი: 6 ლარი |
|
ბილბო აბგელი ჰობიტია, რაც იმას ნიშნავს, რომ ვერ იტანს მოგზაურობასა და თავგადასავლებს, მაგრამ ერთ მშვენიერ საღამოს უცნაური სტუმარი ეწვევა და ბილბო 13 ჯუჯასთან ერთად შორეულ და საშიშ მოგზაურობას დაიწყებს. ჯუჯები მას დახმარების სანაცვლოდ დიდ გასამრჯელოს – განძის მეთოთხმეტედ ნაწილს ჰპირდებიან. თუმცა, ბილბოს განძიდან მხოლოდ პერანგი, ხმალი და ბეჭედი რჩება. ბეჭედი, რომლის თითზე წამოცმაც ნებისმიერს უჩინრად აქცევს, ტოლკინის ცნობილი ტრილოგიის "მთავარი პერსონაჟია".
ჰობიტი ტოლკინის ბეჭდების მბრძანებლის ერთგვარი შესავალია, უშიშარი და მოხერხებული ბილბო აბგელი კი – ფენტეზის ყველა მოყვარულისთვის ცნობილი ფროდოს ბიძა. |
|
მაუგლი ავტორი: რადიარდ კიპლინგი გამოშვების თარიღი: 2011 ფასი: 6 ლარი |
|
ცხოველთა სამყაროს მიმართ განსაკუთრებული სიყვარულით გამორჩეულმა ინგლისელმა მწერალმა, რადიარდ კიპლინგმა, "ჯუნგლის წიგნი" თავისი შვილებისთვის დაწერა და შემდეგ მთელი მსოფლიოს ბავშვებს შეაყვარა იდუმალებითა და ცხოველთა სამყაროს მრავალფეროვნებით გამორჩეული ჯუნგლები."ჯუნგლის წიგნში" განსაკუთრებული ადგილი პატარა ბიჭის – მაუგლის ისტორიებს უჭირავს, რომელიც ცბიერმა ვეფხვმა, შერ-ხანმა მშობლებს მოსტაცა და შემდეგ მგლების ოჯახმა შეიფარა აღსაზრდელად.ადამიანური ჭკუითა და ცხოველის მოქნილობით გამორჩეული მაუგლისა და მისი განუყრელი მეგობრების: პანტერა ბაგირას, დათვი ბალუსა და პითონი კაას სახიფათო და საინტერესო ისტორიები ნებისმიერი თაობის მკითხველზე დაუვიწყარ შთაბეჭდილებას ტოვებს. |
|
კაპიტან გრანტის შვილიბი (I ნაწილი) ავტორი: ჟიულ ვერნი გამოშვების თარიღი: 2011 ფასი: 6 ლარი |
|
"კაპიტან გრანტის შვილები~"ჟიულ ვერნის ერთ-ერთი ყველაზე ცნობილი და ნებისმიერი თაობის მკითხველის უსაყვარლესი ნაწარმოებია. პორტში შემთხვევით ნაპოვნი, სამ ენაზე დაწერილი ბარათები ლორდ გლენარვანს უგზო-უკვლოდ დაკარგული კაპიტანი გრანტის საძებნელად წასვლას გადააწყვეტინებს. მას და მისი იახტის, "დუნკანის" ეკიპაჟს, მათ შორის კაპიტანი გრანტის შვილებს, გზად მრავალი ფათერაკი გადახდებათ.. |
|
უსახლკარო ავტორი: ჰერბერტ უელსი გამოშვების თარიღი: 2011 ფასი: 6 ლარი |
|
"უსახლკარო" ფრანგი მწერლის, ჰექტორ მალოს ყველაზე ცნობილი რომანია. ის ერთ-ერთ საუკეთესო საბავშვო ნაწარმოებადაა მიჩნეული, თუმცა, როგორც ცნობილია, თავად მწერლის მიზანი საბავშვო წიგნის დაწერა არ ყოფილა. 1878 წელს დაწერილმა, პატარა ბიჭის ამაღელვებელმა ისტორიამ, მსოფლიოს მრავალი ქვეყნის მკითხველის სიყვარული დაიმსახურა. ამ ნაწარმოების მიხედვით რამდენიმე მხატვრული და მულტიპლიკაციური ფილმია გადაღებული. |
|
კაპიტან გრანტის შვილები (II ნაწილი) ავტორი: ჟიულ ვერნი გამოშვების თარიღი: 2011 ფასი: 6 ლარი |
|
"კაპიტან გრანტის შვილები" ჟიულ ვერნის ერთ-ერთი ყველაზე ცნობილი და ნებისმიერი თაობის მკითხველის უსაყვარლესი ნაწარმოებია.პორტში შემთხვევით ნაპოვნი, სამ ენაზე დაწერილი ბარათები ლორდ გლენარვანს უგზო-უკვლოდ დაკარგული კაპიტანი გრანტის საძებნელად წასვლას გადააწყვეტინებს. მას და მისი იახტის, "დუნკანის" ეკიპაჟს, მათ შორის კაპიტანი გრანტის შვილებს, გზად მრავალი ფათერაკი გადახდებათ. |
|
ტარტარენ ტარასკონელი ავტორი: ალფონს დოდე გამოშვების თარიღი: 2011 ფასი: 6 ლარი |
|
როცა "ტარტარენ ტარასკონელი" პირველად გამოვიდა, წიგნის ავტორმა, ფრანგმა მწერალმა ალფონს დოდემ შემდეგი შინაარსის წერილი მიიღო: "უბრალოდ და პირდაპირ რომ გითხრა, შედევრია. კითხვა დავიწყე 12 საათზე და გათენების 3 საათზე დავამთავრე. ყველაფერი მომეწონა, ყველაფერმა გამართო, კარგ გუნებაზე დამაყენა... რამდენჯერმე ხმამაღლა გადავიხარხარე კიდეც..." წერილს ხელს აწერდა ცნობილი მწერალი გუსტავ ფლობერი. წიგნის მთავარი პერსონაჟი ტარტარენ ტარასკონელი ერთი ტრაბახა, ფანტაზიორი, მატყუარა, მხიარული და ილუზიებით შეპყრობილი კაცია, რომელსაც გულუბრყვილოდ სჯერა, რომ უშიშარი გმირია. ამ პერსონაჟს რეალური პროტოტიპი ჰყავდა – მწერლის შორეული ბიძაშვილი, რომელთან ერთადაც ალფონს დოდემ ალჟირში იმოგზაურა. |
|
პატარა მაწანწალა ავტორი: ჯეიმს გრინვუდი გამოშვების თარიღი: 2011 ფასი: 6 ლარი |
|
ინგლისელი მწერალი ჯეიმს გრინვუდი ვიქტორიანული ხანის ლონდონის ღარიბი მუშების ცხოვრების შესწავლით იყო დაინტერესებული და ამის შესახებ მასალებს გაზეთშიც აქვეყნებდა. მწერლის ეს პროფესიული გამოცდილება აისახა რომანში "პატარა მაწანწალა", რომელიც, სწორედ ლონდონის ღარიბ უბნებში მცხოვრებ ხალხზე, კერძოდ, პატარა ბიჭებზე მოგვითხრობს. ქუჩის ცხოვრების რეალისტური აღწერისა და დინამიური სიუჟეტის გამო "პატარა მაწანწალა" მრავალი თაობის ბავშვების საყვარელი წიგნია. |
|
ოცეოლა, სემინოლების ბელადი ავტორი: თომას მაინ რიდი გამოშვების თარიღი: 2011 ფასი: 6 ლარი |
|
წარმოშობით ირლანდიელმა მაინ რიდმა ინგლისელი დამპყრობლების წინააღმდეგ თავისი ხალხის ბრძოლის მაგალითზე ისწავლა დამოუკიდებლობისთვის მებრძოლთა დაფასება და პატივისცემა.ამიტომაც, გარდა იმისა, რომ ამერიკის მკვიდრი მოსახლეობის "თეთრკანიან მეგობრებს" მიეკუთვნებოდა და ხშირად ბრძოლაშიც ეხმარებოდა მათ, არაერთი რომანი მიუძღვნა თავისი უფლებებისთვის მებრძოლ ამერიკელ ინდიელებს. მათ შორის ერთ-ერთი გამორჩეულია 1858 წელს დაწერილი „ოცეოლა‚ სემინოლების ბელადი“, რომელშიც მაინ რიდი ისტორიულ ფაქტებზე დაყრდნობით გვიყვება სემინოლების ტომის ამერიკელთა წინააღმდეგ ბრძოლისა და მათი ბელადის – ოცეოლას ამბავს, რომლის შეუპოვარი ხასიათი, სიმამაცე და ტრაგიკული ბედი არაერთი მწერლის მუზა გამხდარა. |
|
მეფე მათიუშ პირველი ავტორი: იანუშ კორჩაკი გამოშვების თარიღი: 2011 ფასი: 6 ლარი |
|
იანუშ კორჩაკი პოლონელი ებრაელი მწერლის, ჰენრიკ გოლდშმიტის ლიტერატურული ფსევდონიმია. მისი სიცოცხლე და სიკვდილი XX საუკუნის ლეგენდადაა ქცეული. იანუშ კორჩაკის თაოსნობით ვარშავაში აგებულ ობოლთა სახლში მწერალი თავადვე ასწავლიდა ებრაელ ბავშვებს. მეორე მსოფლიო ომის დროს, 1942 წელს, ფაშისტებმა ვარშავა დაიპყრეს და ობოლთა სახლი გეტოში გადაბარგდა, თუმცა მალე მათი "გასახლების" ანუ გაზის კამერებში შეყრის ბრძანება გასცეს... იანუშ კორჩაკი შეიწყალეს, მაგრამ მწერალმა თავისი ბავშვები არ მიატოვა და გაზის კამერაში შეჰყვა...
"მეფე მათიუშ პირველი" მწერლის ყველაზე ვრცელი ნაწარმოებია. ნახევრად რეალური, ნახევრად ზღაპრული, ბავშვებისადმი უდიდესი სიყვარულით სავსე მშვენიერი ამბავი დაუვიწყარ შთაბეჭდილებას ტოვებს მკითხველზე და, როგორც თავად ბავშვობა, ნებისმიერ ასაკში სევდიანი ღიმილით ახსენებს თავს. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|