|
ყველა
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
|
|
პიტერ პენი ავტორი: ჯეიმს მეთიუ ბარი გამოშვების თარიღი: 2010 ფასი: 29 ლარი |
|
შესანიშნავი ილუსტრაციებითა და ლამაზი მელოდიებით გაფორმებული ეს წიგნი მთელ მსოფლიოში ცნობილი პიტერ პენისა და მისი პატარა მეგობრების ამბავს მოგვითხრობს.
თქვენი ბავშვი პიტერ პენთან ერთად შეფრინდება გასაოცარ თავგადასავალში, გაექცევა თავზარდამცემ ნიანგს, შეებრძოლება მეკობრეებს და დარწმუნდება, რომ ფერიები მართლაც არსებობენ. მას საინტერესო და ამაღელვებელი მოგზაურობა ელის ”არა-იყო-რა” ქვეყანაში. |
|
მხიარული რბოლა ავტორი: გამოშვების თარიღი: 2010 ფასი: 39.9 ლარი |
|
ამ ლამაზ წიგნში ოთხი სახალისო ამბავია მოთხრობილი მანქანების რბოლის შესახებ: მზადება რბოლისთვის, შეჯიბრის დაწყება, დასაკარგი დრო არ არის და შეჯიბრის დასასრული. წიგნს მოჰყვება ორი მანქანა, რომლებმაც სამი ტრასა უნდა გაიარონ. ბავშვმა და მშობელმა მანქანები უნდა დააყენონ გზის მიმართულების მანიშნებელ ისრებთან და დროულად გაუშვან ხელი. გამარჯვებული იქნება ის მანქანა, რომელიც უფრო სწრაფად გაივლის თავის გზას და ფინიშის ხაზს პირველი გადაკვეთს. |
|
მოთხრობები ავტორი: ო.ჰენრი გამოშვების თარიღი: 2010 ფასი: 6 ლარი |
|
ყოფითი ამბები და ორიგინალური, ჩახლართული სიუჟეტი მოულოდნელი დასასრულით – სწორედ ასეთია ამერიკელი ნოველისტის, ო. ჰენრის (მისი ნამდვილი სახელია უილიამ სიდნეი პორტერი) მოთხრობები.
ო. ჰენრიმ მოთხრობების წერა ოჰაიოს ციხეში დაიწყო, სადაც 3 წელი გაატარა ფულის გაფლანგვის ბრალდებით. ციხიდან გამოსვლის შემდეგ მან სახელი შეიცვალა, ფსევდონიმი "ო. ჰენრი" აიღო და ნიუ–იორკში გადავიდა საცხოვრებლად. სიკვდილამდე მან 10 კრებული გამოსცა, რომლებშიც 600–ზე მეტი მოთხრობა შევიდა. მოიხედავად ამისა, სიცოცხლის ბოლო წლები სიღარიბეში გაატარა და ხანგრძლივი ავადმყოფობის შემდეგ ნიუ–იორკის ერთ–ერთ კლინიკაში გარდაიცვალა.
ამ კრებულში ო. ჰენრის 24 მოთხრობის ძველი და ახალი თარგმანებია შესული. თითოეული მოთხრობა უბარლო ამერიკელების ცხოვრებას ეხება, სითბოთი და იუმორითაა გაჯერებული და ხშირ შემთხვევაში დღესაც – საუკუნეზე მეტი ხნის შემდეგაც აქტუალურია. |
|
სპორტი (გადაშალე და გაერთე– წიგნის პირველი თარო) ავტორი: გამოშვების თარიღი: 2010 ფასი: 22 ლარი |
|
წიგნი სამ ნაწილად იხსნება და შთამბეჭდავი ნახატებით გაფორმებულ ფონზე დამაგრებულ მუყაოს 12 წიგნს შეიცავს. თითოეულ წიგნში თითო სახალისო ამბავია მოთხრობილი. ეს გამოცემები დააინტერესებს როგორც სკოლამდელი ასაკის ბავშვებს, ისე დაწყებითი კლასების მოსწავლეებსაც.
გადაუშალეთ პატარებს ეს სახალისო წიგნები და მათთან ერთად გაერთეთ!
იცი, ცურვის რამდენი სახეობა არსებობს? ვინ თამაშობს ფრენბურთს ყველაზე კარგად? ან ის თუ გისწავლია ოდესმე, რა წესები უნდა დაიცვა ჭიდაობისას და როგორ მოიქცე ფეხბურთის თამაშის დროს, ყვითელი ბარათი რომ არ დაიმსახურო?
გადაშალე ეს წიგნი და შეუერთდი სპორტსმენ ცხოველებს, ისინი სპორტულ არენაზე მხიარულ შეჯიბრებებს მართავენ. |
|
ტოპო–ტიპი აგვიანებს ავტორი: გამოშვების თარიღი: 2010 ფასი: 9 ლარი |
|
დილით გაღვიძებული ტოპო–ტიპი თავს იმძინარებს, იმიტომ, რომ ძალიან ეზარება ადგომა. საუზმეს აუჩქარებლად მიირთმევს, საბავშვო ბაღის გზაზე კი ვიტრინების თვალიერებით ერთობა...
მოკლედ, ზოზინებს და ამის გამო ყველგან აგვიანებს. მაგრამ ერთ დღეს თაგუნას თავად მოუწევს დიდხანს ლოდინი და მიხვდება, რომ სიზარმაცისა და დაგვიანების გამო შეიძლება ვიღაც ძალიან გაანაწყენო.
ტოპო-ტიპი პატარა თაგუნაა, რომელიც, ჩვენი შვილების მსგავსად, ტირის და ჯიუტობს, როცა დედა სამსახურში მიდის. მაგრამ ბოლოს მაინც უჯერებს თავის დედიკოს. როგორ ახერხებს დედა ამას? |
|
ხუთკუნჭულა და სხვა ზღაპრები (დიდი) ავტორი: გამოშვების თარიღი: 2006 ფასი: 12 ლარი |
|
საუცხოო ფერადი ილუსტრაციებით ლამაზად გაფორმებულ წიგნში თავმოყრილია საუკეთესო ქართული ჯადოსნური ზღაპრები.
სპეციალურად ამ გამოცემისთვის ნაწარმოებები გადამუშავდა და 4-7 წლის ბავშვებისთვის გასაგები, სადა, თნამედროვე ენით დაიწერა. |
|
მზე და ქარი ავტორი: გამოშვების თარიღი: 2008 ფასი: 3 ლარი |
|
– მე ძლიერი ვარ! – თქვა მზემ.
– მე უფრო ძლიერი ვარ! – თქვა ქარმა.
ნეტავ, როგორ მორიგდებიან ისინი?
ამას ადვილად გაიგებ, თუ ძველი ბერძენი მწერლის, ეზოპეს ამ პატარა იგავ-არაკს წაიკითხავ. აქვე საინტერესო თავსატეხებსაც ნახავ და კარგადაც გაერთობი.
საინტერესო, მარტივი ტექსტები და სახალისო ილუსტრაციები ბავშვის ყურადღებას მიიპყრობს და "აიძულებს" მას, მეტი წიგნი წაიკითხოს! |
|
ჰარი პოტერი და ცეცხლოვანი თასი (4) ავტორი: ჯ.კ. როულინგი გამოშვების თარიღი: 2005 ფასი: 14.9 ლარი |
|
ყველა დროის საუკეთესო ზღაპარი ჯადოსნურ სამყაროზე. |
|
ჰარი პოტერი და აზკაბანის ტყვე (3) ავტორი: ჯ.კ. როულინგი გამოშვების თარიღი: 2004 ფასი: 9.9 ლარი |
|
ყველა დროის საუკეთესო ზღაპარი ჯადოსნურ სამყაროზე. |
|
ჩემი პირველი ზღაპრები - წითელი წიგნი ავტორი: გამოშვების თარიღი: 2007 ფასი: 29 ლარი |
|
ჩემი პირველი ზღაპრების წითელ წიგნში შესულია სხვადასხვა ქვეყანასა და ეპოქაში შექმნილი საუკეთესო ზღაპრები.
სკოლამდელი ასაკის ბავშვებისათვის მოკლედ, გასაგები ენით დაწერილი, საუცხოო ილუსტრაციებით გაფორმებული ეს ზღაპრები თქვენი შვილის პირველ საყვარელ საკითხავ წიგნად იქცევა.
ამ სერიით გამოდის:
ჩემი პირველი ზღაპრების ვარდისფერი წიგნი
ჩემი პირველი ზღაპრების ცისფერი წიგნი
ჩემი პირველი მითები
ჩემი პირველი ქართული ზღაპრები |
|
ჩემი პირველი ზღაპრების ცისფერი წიგნი ავტორი: გამოშვების თარიღი: 2007 ფასი: 29 ლარი |
|
ჩემი პირველი ზღაპრების ცისფერ წიგნში შესულია სხვადასხვა ქვეყანასა და ეპოქაში შექმნილი საუკეთესო ზღაპრები. სკოლამდელი ასაკის ბავშვებისათვის მოკლედ, გასაგები ენით დაწერილი, საუცხოო ილუსტრაციებით გაფორმებული ეს ზღაპრები თქვენი შვილის პირველ საყვარელ საკითხავ წიგნად იქცევა.
ამ სერიით გამოდის:
ჩემი პირველი ზღაპრების წითელი წიგნი
ჩემი პირველი ზღაპრების ვარდისფერი წიგნი
ჩემი პირველი მითების წიგნი
ჩემი პირველი ქართული ზღაპრები |
|
ტოპო ტიპი ბაღში მიდის ავტორი: გამოშვების თარიღი: 2006 ფასი: 9 ლარი |
|
- არ მინდა ბაღში წასვლა! - ჭირვეულობს ტოპო-ტიპი, - შინ მინდა დარჩენა! მაგრამ შინ ყოფნა ხომ უფრო მოსაწყენია...
ტოპო-ტიპი პატარა თაგუნაა, რომელიც, ჩვენი შვილების მსგავსად, ზოგჯერ ჭირვეულობს ხოლმე, მაგრამ ბოლოს მაინც უჯერებს თავის დედიკოს. როგორ ახერხებს დედა ამას? |
|
თაგვისცხვირიანი ბუტერბროდები ავტორი: დარენ კინგი გამოშვების თარიღი: 2010 ფასი: 5.9 ლარი |
|
"... – მე თაგვისცხვირიან ბუტერბროდებს გეახლებით, – მოითხოვა კაცმა.
ოფიციანტმა ბლოკნოტი გადაშალა, შეკვეთა ჩაიწერა და იკითხა: – ულვაშით გნებავთ თუ უულვაშოდ?.."
გაინტერესებთ, სოლიდური რესტორნების მენიუში მართლა არსებობს თუ არა თაგვისცხვირიანი ბუტერბროდები? ყურადღებით წაიკითხეთ ეს ძალიან სასაცილო წიგნი და ყველაფერს შეიტყობთ. გამოძიებას და დიდ საპროტესტო კამპანიას თაგუნა პოლი და მისი უცნაური მეგობრები აწარმოებენ.
სხვათა შორის, მარტო მისი მეგობრები კი არა, თავად თაგუნა პოლიც დიდი უცნაური ვინმეა: მსოფლიოს ყველა სხვა თაგვისგან განსხვავებით, მას ყველზე აქვს უცნაური ალერგია – კუდი კითხვის ნიშანივით ერკალება და ... |
|
ალისა საოცრებათა ქვეყანაში (სამგანზომილებიანი ხმოვანი წიგნი) ავტორი: ლუის კეროლი გამოშვების თარიღი: 2010 ფასი: 29 ლარი |
|
გაჰყევი თეთრ კურდღელს საოცრებათა ქვეყანაში, მიირთვი ჩაი შეშლილ მექუდესთან ერთად, შეღებე წითლად ვარდები და გაიცანი ბანქოს დედოფალი. შთამბეჭდავი, სამგანზომილებიანი ფიგურებითა და ჯადოსნური ხმებით გაფორმებული წიგნი, რომელიც ლუის კეროლის ცნობილ ზღაპარს მოგვითხრობს, ალისასთან ერთად საოცრებათა ქვეყანაში მოგზაურობას გპირდებათ. |
|
ზღაპრები ავტორი: შარლ პერო გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან. შარლ პეროს ზღაპრები მე-17 საუკუნეში დაიწერა. ბევრ ენაზე ითარგმნა და ყველა პატარას საყვარელ ისტორიებად იქცა. წითელქუდას, ჩექმებიანი კატას,
ცეროდენასა თუ კონკიას ამბავი თითქმის ყველა ბავშვმა იცის. ეს მოხერხებული გმირები საწადელს ყოველთვის აღწევენ; მათ სახალისო ამბებში ბოროტებას აუცილებლად სიკეთე სძლევს და გამარჯვება ყოველთვის სიმართლის მხარეს რჩება. ამ კრებულში ძალიან ცნობილ და ყველასათვის საყვარელ ზღაპრებთან ერთად რამდენიმე ნაკლებად ცნობილი ზღაპარიც შევიდა, რომლებიც არანაკლებ მოწონებას დაიმსახურებს პატარა მკითხველებში. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|