|
ყველა
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
|
|
პატარა ფერმა ავტორი: გამოშვების თარიღი: 2011 ფასი: 6.9 ლარი |
|
დაათვალიერებინეთ პატარებს სასაცილო და უცნაური არსებები, შეახამებინეთ სხვადასხვა ცხოველის ნაწილები და მათთან ერთად იპოვეთ ორი ნახევარი, რომელთა შეერთებითაც თქვენთვის ნაცნობ ცხოველს აღმოაჩენ.
წიგნი ავითარებს ანალიზის უნარს და სტიმულს აძლევს წარმოსახვას |
|
აი, მე ვხატავ ზღვის ცხოველებს ავტორი: გამოშვების თარიღი: 2011 ფასი: 8.9 ლარი |
|
ისწავლე ზვიგენების, კუებისა და დელფინების ხატვა ოთხ მარტივ ეტაპად. ლამინირებული გვერდები ნახატის წაშლისა და თავიდან დახატვის საშუალებას იძლევა, ამიტომ ბავშვებს შეუძლიათ წიგნშივე ივარჯიშონ, სანამ ნახატს დახვეწენ.
წიგნი ხელს უწყობს აღქმის უნარის განვითარებას, ავითარებს მოტორულ ჩვევებს და აყალიბებს ანალიტიკურ უნარებს.
წიგნს მოჰყვება სახატავი მარკერი |
|
ქართული მითები და ზღაპრები ავტორი: მაკა მიქელაძე გამოშვების თარიღი: 2012 ფასი: 19.9 ლარი |
|
მითებზე ამბობენ, ნამდვილია, რადგან შეუძლებელიაო. რას არ შეხვდებით ქართული მითების სამყაროში: თეთრ ჯიხვებს, უჩინარ რაშებს, შუბლვარსკვლავა ირმებს, მოტაცებულ მზეთუნახავებსა და მათ გამომხსნელ მონადირეებს; ცხრავაჟიან ქალებს, ცხრათვალა მზეს, ცხრა წყაროს, ცხრათავიან დევს, ცხრა კარასა და ცხრა მთას; ვერცხლის ტბას, ტბიდან ამოფრენილ მტრედსა და ამოვარდნილ ქარიშხალს...
აქ ორბის კვერცხებიდან ლეკვები იჩეკებიან; ოთხრქა–ოთხყურა ცხვარი მსხვერპლად ეწირება ღმერთებს; ციდან ჩამოვარდნილი ყოველი წვეთი ანგელოზად გადაიქცევა... წყლის პირას ალები, წყლისა და ტყის სულები იკრიბებიან და ფერხულში ებმებიან; ბოროტი მაქციები, დევები, ჭინკები, ქაჯები, კუდიანები და ავსულები კი ღამღამობით ბოროტების მარულას მართავენ. ბოროტებს ღვთისშვილები და გმირები ეომებიან და ამარცხებენ კიდეც, მათ ხომ ქალღმერთების მოქსოვილი ჯაჭვის პერანგები იცავს...
აქ სიცოცხლის ხე ქვესკნელში გადადგმული ფესვებით სკნელიდან ზესკნელს სწვდება. მითიურ ხარებს რქებზე სანთლებს უნთებენ, გველებს თასით რძეს ასმევენ, კლდიდან გადმოფრენილი მონადირეები ჰაერში ქრებიან. სადღაც ნატვრისთვალიც ბრწყინავს. ამ უაღრესად საინტერესო და უკიდეგანო სამყაროში მოგზაურობა ნამდვილად ღირს. |
|
მოვემზადოთ სკოლისათვის (მათემატიკის ჩანთა) ავტორი: გამოშვების თარიღი: 2012 ფასი: 26.9 ლარი |
|
ეს ორიგინალური ჩანთა, რომელსაც ანალოგი არ აქვს საქართველოში, `ადრეულ ასაკში სწავლისა და განვითარების სტანდარტების~ მიხედვით არის შექმნილი და საუკეთესო საჩუქარია 4-6 წლის ბავშვებისათვის – პატარებისთვის, რომლებიც სკოლაში წასასვლელად `ემზადებიან~ და ასევე პირველკლასელთათვის .
რა დევს ჩანთაში?
წიგნი უფროსებისათვის – მოცემულია სასარგებლო რჩევები და ინსტრუქციები მშობლებისა და პედაგოგებისთვის, როგორ "ამეცადინონ" ბავშვი;
რვეული 1: "ცნებები" – აქ მოცემული მრავალფეროვანი სავარჯიშოები პატარას დაეხმარება ისეთი ცნებების შესწავლაში, როგორიციაა: დიდი, პატარა, მეტი, ნაკლები, გრძელი, მოკლე, ყველა, არც ერთი...;
რვეული 2: "ფიგურები და საათი" – ამ რვეულში ყურადღება მახვილდება ბუნებაში არსებულ ფორმებზე, შეისწავლება მარტივი ფიგურები: სამკუთხედი, ოთხკუთხედი, წრე და საათის ცნობა;
რვეული 3: "რიცხვები და ციფრები" – აქ 1-დან 10-მდე რაოდენობები და მათი ციფრებით ჩაწერა შეისწავლება;
რვეული 4: "შეკრება და გამოკლება" – ამ რვეულში კი მოცემულია სახალისო სავარჯიშოები 10-მდე რაოდენობების შეკრება-გამოკლების დასაუფლებლად;
1-დან 10-მდე რაოდენობების პლაკატი – მასზე გამოსახულია 10-მდე რაოდენობები;
კედლის საათი მოძრავი ისრებით – ეს თვალსაჩინოება საათის ცნობის შესწავლაში დაეხმარება თქვენს პატარას;
სხვა თვალსაჩინოებები – სათვლელი ჩიპები, ციფრები და მოქმედებათა ნიშნები, სათამაშო ფული, სახაზავი, დაფის მარკერი და დაფა. |
|
იყო და არა იყო რა ავტორი: დათო ტურაშვილი გამოშვების თარიღი: ფასი: 6.9 ლარი |
|
ამ წიგნში დათო ტურაშვილის ღიმილიანი და იმავდროულად, სევდიანი მოგონებებია თავმოყრილი, რომელიც მწერლის სტუდენტურ ცხოვრებას აღწერს. მოგონებები იმდროინდელ საქართველოზეა, რომლისგანაც თითქოს ოცი წელი გვაშორებს და მასში აღწერილი ამბებიც ზღაპარივით უნდა მოგვეჩვენოს, თუმცა ეს ყველაფერი მაინც ძალიან ახლობელია, რადგან, ავტორისავე სიტყვებით, თავისუფლებისთვის სულ ვიბრძვით და მოვიპოვებთ, მაგრამ ყოველთვის ვკარგავთ და მერე თავიდან ვიწყებთ. სწორედ ამიტომ, თავისუფლებისთვის ბრძოლა დღესაც ისეთივე ახლობელია ჩვენთვის, როდესაც მაშინ, როცა მთელი საქართველო ქუჩაში იდგა იმ იმედით, რომ დიდი ხნის წინათ დაკარგულ დამოუკიდებლობას მოიპოვებდა და ყველაფერი მოგვარდებოდა. თუმცა აღმოჩნდა, რომ დამოუკიდებლობის დეკლარირება თავისუფლებას ჯერ კიდევ არ ნიშნავს, და ამიტომაც, ბრძოლა ისევ გრძელდება... |
|
იუდა 1982 ავტორი: ირაკლი ბერიაშვილი გამოშვების თარიღი: 2012 ფასი: 7.9 ლარი |
|
|
|
თბილისური ამბავი ავტორი: ლაშა იმედაშვილი გამოშვების თარიღი: ფასი: 6.9 ლარი |
|
სწორედ მაშინ, როცა დიდი თავადის–ჭავჭავაძის სამხედრო სამსახურიდან დათხოვნას თბილისის წარჩინებულნი დიდი ქეიფით აღნიშნავდნენ და ამ ზეიმს ჟურნალისტიც კი ესწრებოდა, რათა ამ ჩნებული წვეულებისათვის რუსულ გაზეთში სათანადო წერილი მიეძღვნა, მე– 19 საუკუნის თბილისის ცა ფერფლის ნაფლეთებმა დაფარა...
იწვოდა ოპერის შენობა – თბილისელთა თავშეყრის უსაყვარლესი ადგილი, სადაც მუსიკის მოსმენის გარდა, ბრწყინვალე სამოსის, სამკაულებისა თუ ნაირნაირი ქუდების გამოფენა იყო შესაძლებელი.ხანძარს წარჩინებული თუ მდაბიო თბილისელები მდუმარედ შესცქეროდნენ...
ეს ჰალალი თბილისური ამბავი მე– 19 საუკუნის შუახნების თბილისში ამოგზაურებს მკითხველს, ახლოდან გააცნობს მაშინდელ ოპერას, ძველი თბილისის ქუჩებსა და თბილისელების ცხოვრების წესს. |
|
ავტოპორტრეტი წიგნების ფონზე ავტორი: ზაალ სამადაშვილი გამოშვების თარიღი: ფასი: 4.9 ლარი |
|
”ავტოპორტრეტი წიგნების ფონზე” ზაალ სამადაშვილის ბოლო წლების ჩანაწერებს აერთიანებს.
”მე ხომ იმ ადამიანებს, იმ სურათებს და იმ ხმებს ვიხსენებ, რომლებმაც დიდი როლი შეასრულეს პიროვნების, სახელად ”ზაალ სამადაშვილის” ჩამოყალიბებაში. მე ხან ვიღაცასავით ვწერ, ხან ვიღაცასავით ვლაპარაკობ, ხან ვიღაცასავით ვიქცევი და მერე გონებას ვძაბავ, რომ დავადგინო - ვინ არის ის ვიღაც? ჯონ ლენონი, ტომას ვულფი თუ მამაჩემი... ”
|
|
ადამიანის ქალაქი ავტორი: გურამ მეგრელიშვილი გამოშვების თარიღი: 2010 ფასი: 6.9 ლარი |
|
”ადამიანის ქალაქი” გურამ მეგრელიშვილის მოთხრობების კრებულია, რომელიც 2010 წელს გამოიცა და მწერლის მიერ ბოლო წლებში დაწერილ შვიდ მოთხრობას აერთიანებს. მოცულობის გათვალისწინებით, რამდენიმე მოთხრობას შეიძლება მცირე რომანიც ეწოდოს.
კრებული სტილის თვალსაზრისით და თემატურად ძალზე მრავალფეროვანია. ამ შედარებით პატარა წიგნში თავმოყრილია ბიბლიურ თემატიკაზე შექმნილ ტექსტები, თანამედროვე თბილისური ყოფის ამსახველი სახალისო ისტორიები, სამეცნიერო ფანტასტიკა. წიგნის გმირები: წმინდანები, ავაზაკები, შეშლილები, გლეხები, ლოთები, თბილისელი კრიმინალები იმ რთული, თუმცა სახალისო თამაშის ნაწილს წარმოადგენენ, რომლის წესებსაც მწერალი მოთხრობიდან მოთხრობამდე ცვლის და რომლის მეშვეობითაც მკითხველის გაუნელებელ ინტერესს ინარჩუნებს. |
|
ლექსები ავტორი: ნატო ინგოროყვა გამოშვების თარიღი: 2011 ფასი: 9.9 ლარი |
|
ნატო ინგოროყვას ლექსების კრებული 2011 წელს გამოიცა. იგი ორ წიგნს აერთიანებს, რომლებიც ერთმანეთთან მჭიდრო კავშირშია. ”ხმელები” და ”ნედლები” - ლექსების ეს ორი ციკლი ორიგინალური დიზაინის ყუთშია მოთავსებული, რომელიც პოეტური ჩანაფიქრის ნაწილს შეადგენს. ნატო ინგოროყვა თანამედროვე ქართულ პოეზიაში ერთ-ერთი ყველაზე საინტერესო და გამორჩეული ხელწერის მქონე ავტორია. |
|
ეკოციდი ავტორი: თეა თოფურია გამოშვების თარიღი: 2011 ფასი: 3.9 ლარი |
|
”ეკოციდი” - თეა თოფურიას ლექსების ახალი კრებული - 2011 წელს გამოიცა. ლექსების ნაწილი ლიტერატურულ პერიოდიკასა და ინტერნეტ სივრცეში ბოლო წლების განმავლობაში ქვეყნდებოდა. ნაწილს კი მკითხველი პირველად გაეცნობა. |
|
გოგოთურ და აფშინა (ორენოვანი) ავტორი: ვაჟა-ფშაველა გამოშვების თარიღი: 2012 ფასი: 3.9 ლარი |
|
წიგნში წარმოდგენილია ვაჟა-ფშაველას ცნობილი პოემა ”გოგოთურ და აფშინა” ქართულ და აზერბაიჯანულ ენებზე. წიგნს უძღვის ცნობილი აღმოსავლეთმცოდნის - ზეზვა მედულაშვილის წინათქმა და პოემის მთარგმნელის - ოქტაი ქაზუმოვის შესავალი წერილი, რომელშიც იგი განიხილავს ვაჟა-ფშაველას პოეზიას და მის თარგმნასთან დაკავშირებულ სირთულეებს. |
|
აქ ნუ დადგებით ავტორი: ეკა ქევანიშვილი გამოშვების თარიღი: ფასი: 4.9 ლარი |
|
ეკა ქევანიშვილის ახალ (რიგით მეორე) კრებულში ავტორის მიერ ბოლო წლებში დაწერილი ლექსები შევიდა. წიგნის გარეკანის დიზაინი გურამ წიბახაშვილს ეკუთვნის. კრებულს თან ახლავს მაკა ლდოკონენის მიერ შესრულებული შავ-თეთრი პლაკატი.
|
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|