|
ყველა
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
|
|
სოლომონ მეფის საგანძური ავტორი: ჰენრი რაიდერ ჰაგარდი გამოშვების თარიღი: 2010 ფასი: 6 ლარი |
|
ინგლისელი მწერლის, ჰენრი რაიდერ ჰაგარდის სათავგადასავლო რომანი ”სოლომონ მეფის საგანძური” აფრიკის საიდუმლოებებით მოცულ მთებში მოხვედრილი ადამიანების საოცარ ამბავს მოგვითხრობს. ამ მთებში თეთრკანიანები სიმდიდრის მოპოვების წყურვილით მიემგზავრებიან. ალმასის საბადო ყველა მოგზაურის ოცნება იყო, მაგრამ ადგილობრივები მტრულად ხვდებოდნენ მათ ქვეყანაში ბრჭყვიალა ქვებისათვის მოსულებს.
ალან ქუოტერმანი და მისი მეგობრებიც დაადგნენ სოლომონ მეფის საბადოებისაკენ მიმავალ სახიფათო გზას, თუმცა არა ალმასების პოვნის სურვილით. ისინი დაკარგულ ადამიანებს ეძებდნენ. |
|
უკანასკნელი მოჰიკანი ავტორი: ჯეიმზ ფენიმორ კუპერი გამოშვების თარიღი: 2010 ფასი: 6 ლარი |
|
”უკანასკნელი მოჰიკანი” ჩრდილოეთ ამერიკის ინდიელებზე მოგვითხრობს. წიგნში ინგლისსა და საფრანგეთს შორის ინდიელთა მიწების დაპატრონებისათვის გაჩაღებული ომის ერთი ეპიზოდია აღწერილი.
მთავარი გმირი, ნეტი ბამპო, იგივე ქორის თვალი, მისი ძმადნაფიცი ინდიელი - ჩინგაჩგული და ამ ინდიელის შვილი უნკასი ომში ინგლისის მხარეს იბრძვიან. ავტორი იმ საოცარი ვაჟკაცობისა და თავდადების ამბავს აღწერს, რომელსაც ინდიელი მეომრები ინგლისის ციხისთავის ქალიშვილების დასახსნელად იჩენენ. |
|
ოქროს კომპასი ავტორი: ფილიპ პულმანი გამოშვების თარიღი: 2010 ფასი: 6 ლარი |
|
ინგლისელი მწერლის, ფილიპ პულმანის ”ოქროს კომპასი” 2003 წელს საუკეთესო საკითხავი წიგნების სამეულში შევიდა.
წიგნის მთავარი პერსონაჟი 12 წლის ლაირაა. უშიშარი გოგონა მეგობრის გადასარჩენად ჩრდილოეთ პოლუსზე მიემგზავრება. ამ კეთილშობილურ საქმეში ლაირას ბოშები, ჯავშნიანი დათვები და ალქაჯები ეხმარებიან. გოგონას განუყრელი ”თანამგზავრია” ალეთიომეტრიც - უცნაური კომპასი, რომლის დახმარებითაც მომავლის განჭვრეტა მხოლოდ ლაირას შეუძლია. |
|
ჩემი ოჯახი და სხვა ცხოველები ავტორი: ჯერალდ დარელი გამოშვების თარიღი: 2010 ფასი: 6 ლარი |
|
ზაფხულის ერთ დღეს დარელების ოჯახი წვიმიანი ინგლისიდან აიყარა და საბერძნეთის მზიან კუნძულს, კორფუს მიაშურა; სწორედ ამ კუნძულზე შეიგრძნო გარესამყაროს სილამაზე ცხოველთა სამყაროთი გატაცებულმა 10 წლის ჯერალდ დარელმა. ჯერის ოჯახის ექსცენტრიკული წევრები კი მისი “ზოოლოგიური დღიურის“ განსაკუთრებულ “ეგზემპლარებად" იქცნენ.
“ჩემი ოჯახი და სხვა ცხოველები” ე.წ. “კორფუს ტრილოგიის” პირველი წიგნია. მის ახალ, შესწორებულ გამოცემაში, ისევე, როგორც ტრილოგიის ორ დანარჩენ წიგნში ("ფრინველები, მხეცები და ნათესავები" და "ღმერთების ბაღი") დარელების ოჯახის საბერძნეთის პატარა კუნძულზე ცხოვრების ხუთწლიანი ისტორიაა მოთხრობილი. |
|
რობინზონ კრუზო ავტორი: დანიელ დეფო გამოშვების თარიღი: 2010 ფასი: 6 ლარი |
|
ინგლისელი მწერლის, ჟურნალისტისა და მზვერავის, დანიელ დეფოს ყველაზე ცნობილი რომანი “რობინზონ კრუზო” პირველად 1719 წელს გამოქვეყნდა. რომანს საფუძვლად უდევს შოტლანდიელი მეზღვაურის რეალური თავგადასავალი, რომელიც მოგზაურობისას გემის კაპიტანმა ურჩობისთვის დასაჯა და უკაცრიელ კუნძულზე დატოვა. პროტოტიპისგან განსხვავებით, რომელიც კუნძულზე რამდენიმეწლიანმა ცხოვრებამ გააველურა და ენაც კი დაავიწყა, დანიელ დეფოს პერსონაჟმა, რობინზონ კრუზომ, საოცარი საზრიანობისა და მოხერხებულობის წყალობით კუნძულის ოაზისად ქცევა შეძლო. მან კი არ დაივიწყა, პარასკევასაც შეასწავლა ინგლისური ენა. |
|
სამი მუშკეტერი I ნაწილი ავტორი: ალექსანდრე დიუმა გამოშვების თარიღი: 2010 ფასი: 6 ლარი |
|
ალექსანდრე დიუმას “სამი მუშკეტერი” XVII საუკუნის საფრანგეთის სამეფო კარის შესახებ მოგვითხრობს. მეფე ლუდოვიკო XIII-ისა და მისი პირველი მინისტრის, კარდინალ რიშელიეს დახლართული ინტრიგების მონაწილე ხდება გასკონიიდან პარიზში ჩასული, მუშკეტერობაზე მეოცნებე დარტანიანი, რომლის უცნაური ცხოვრება მას მერე იწყება, რაც პარიზში მეფის მუშკეტერებს გაიცნობს და დაუმეგობრდება. ის და მისი განუყრელი მეგობრები ბევრი ხიფათიდან უვნებლად გამოსვლას ახერხებენ, რადგან არასდროს ღალატობენ ცხოვრებისა და მოქმედების მძლეთამძლე პრინციპს: “ერთი ყველასათვის და ყველა ერთისათვის”.
მეგობრების ხიფათიანი თავგადასავლები “სამი მუშკეტერის” მეორე წიგნში გაგრძელდება. |
|
სამი მუშკეტერი II ნაწილი ავტორი: ალექსანდრე დიუმა გამოშვების თარიღი: 2010 ფასი: 6 ლარი |
|
ალექსანდრე დიუმას “სამი მუშკეტერი” XVII საუკუნის საფრანგეთის სამეფო კარის შესახებ მოგვითხრობს. მეფე ლუდოვიკო XIII-ისა და მისი პირველი მინისტრის, კარდინალ რიშელიეს დახლართული ინტრიგების მონაწილე ხდება გასკონიიდან პარიზში ჩასული, მუშკეტერობაზე მეოცნებე დარტანიანი, რომლის უცნაური ცხოვრება მას მერე იწყება, რაც პარიზში მეფის მუშკეტერებს გაიცნობს და დაუმეგობრდება. ის და მისი განუყრელი მეგობრები ბევრი ხიფათიდან უვნებლად გამოსვლას ახერხებენ, რადგან არასდროს ღალატობენ ცხოვრებისა და მოქმედების მძლეთამძლე პრინციპს: “ერთი ყველასათვის და ყველა ერთისათვის”. |
|
გულივერის მოგზაურობა ავტორი: ჯონათან სვიფტი გამოშვების თარიღი: 2010 ფასი: 6 ლარი |
|
ცნობილი ირლანდიელი მწერლისა და პუბლიცისტის, ჯონათან სვიფტის
”
გულივერის მოგზაურობა
”
მთელ მსოფლიოში პოპულარული წიგნია. მასში ოსტატურადაა შერწყმული სათავგადასავლო ჟანრი და სატირა. მთავარი გმირი, ქირურგი ლემუელ გულივერი მოგზაურობს ფანტასტიკურ, არარსებულ ქვეყნებში, რომლებიც მწერალმა იმისთვის გამოიგონა, რომ თავისი დროის ინგლისის კოლონიური რეჟიმი, სამეფო კარი, საზოგადოება და პოლიტიკური სიტუაცია ცენზურისთვის შეუმჩნევლად გაეკრიტიკებინა.
წიგნის საინტერესო სიუჟეტი, ლაღი თხრობა, შეფარული ირონია პერსონაჟების, მათ შორის მთავარი გმირის მიმართაც, ყველა თაობის მკითხველზე დაუვიწყარ შთაბეჭდილებას ახდენს. |
|
ბიძია თომას ქოხი ავტორი: ჰარიეტ ბიჩერ სტოუ გამოშვების თარიღი: 2010 ფასი: 6 ლარი |
|
ეს წიგნი მკითხველს ამერიკელი შავკანიანი მონების ცხოვრების შესახებ მოუთხრობს. ბიძია თომა, კასი, ჯორჯ ჰარისი, ელიზა და სხვა უამრავი ადამიანი მონის მძიმე უღელს ატარებს, მათი ბედი ბატონების ხელშია, რომელთა უმრავლესობისათვის მონა ადამიანი არ არის. მონების უბედურების ერთადერთი მიზეზი მათი კანის ფერი და წარმოშობაა. მათთვის სიყვარულსა და ადამიანურ ბედნიერებაზე ოცნება აკრძალულია. ბევრი მონა ცხოვრების სიმძიმეს ქედს უხრის, თუმცა არიან ისეთებიც, რომლებიც ბრძოლის გზას ირჩევენ.
ბიძია თომას რთული გზის გავლა უწევს, ხვდება უამრავ ადამიანს, გამოცდის უსამართლობას, გასაჭირს და აღმოაჩენს, რომ ადამიანს აქვს სული, რომელსაც ვერავინ იყიდის; ღირსება, რომელსაც ვერავინ წაართმევს; და შინაგანი თავისუფლება, რომელსაც, თუ მოინდომებს, მონობაშიც შეინარჩუნებს. |
|
ბინდი ავტორი: სტეფანი მეიერი გამოშვების თარიღი: 2010 ფასი: 6 ლარი |
|
სტეფანი მეიერის "ბინდი" ფენტეზის ჟანრის თანამედროვე ბესტსელერია, რომელმაც გამოცემისთანავე დაიპყრო თანამედროვე ახალგაზრდების გულები. ოთხი სრული და ერთი დაუმთავრებელი ნაწილისგან შემდგარი საგა XIX საუკუნიდან გადმოსული მომხიბლავი ვამპირისა და XXI საუკუნის თინეიჯერი გოგონას ამაღელვებელ სიყვარულზე მოგვითხრობს.
საგის პოპულარობა კიდევ უფრო გაზარდა 2008 წელს ჰოლივუდში გადაღებულმა ამავე სახელწოდების ფილმმა, რომელმაც კინოგაქირავებაში საოცარ წარმატებას მიაღწია. |
|
შერლოკ ჰოლმსის თავგადასავალი ავტორი: არტურ კონან დოილი გამოშვების თარიღი: 2010 ფასი: 6 ლარი |
|
შერლოკ ჰოლმსი – არტურ კონან დოილის მიერ შექმნილი ლიტერატურული პერსონაჟი – დღემდე უდიდესი პოპულარობით სარგებლობს დეტექტიური ჟანრის მოყვარულ ნებისმიერი ასაკის მკითხველებში. კონან დოილმა 4 რომანი და 56 მოთხრობა დაწერა შერლოკ ჰოლმსზე და ყველა მათგანი დეტექტიური ჟანრის კლასიკად იქცა. განსაკუთრებით ჩახლართული დანაშაულის გამოიძიების დეტალებს ჰოლმსის მუდმივი თანამგზავრი, ექიმი უოტსონი გვიამბობს. თუმცა გამოძიების ბოლომდე არც მას და არც მკითხველს არ ესმის, როგორ ხსნის დეტექტივი ყველაზე ჩახლართულ დანაშაულს, სანამ ამბის დასასრულს თავად ჰოლმსი არ ”განგვიმარტავს” თავისი ”დედუქციური მეთოდის” საიდუმლოს.
ამ კრებულში ორი მოთხრობა შედის: ”ალისფერი კვალი” და ”ბასკერვილების ძაღლი”. ”ალისფერი კვალი” კონან დოილის პირველი მოთხრობაა და პირველად 1887 წელს დაიბეჭდა. |
|
ჩემი პირველი ქართული ზღაპრები ავტორი: გამოშვების თარიღი: 2010 ფასი: 29 ლარი |
|
ჩემი პირველი ქართული ზღაპრების წიგნში შესულია სხვადასხვა ეპოქაში შექმნილი საუკეთესო ქართული ხალხური ზღაპრები. სკოლამდელი ასაკის ბავშვებისათვის მოკლედ, გასაგები ენით დაწერილი, საუცხოო ილუსტრაციებით გაფორმებული ეს ზღაპრები თქვენი შვილის პირველ საყვარელ საკითხავ წიგნად იქცევა.
ამ სერიით გამოდის: ჩემი პირველი ზღაპრების წითელი წიგნი
ჩემი პირველი ზღაპრების ცისფერი წიგნი
ჩემი პირველი ცისფერის წიგნი
ჩემი პირველი ქართული ზღაპრები |
|
პინოკიოს თავგადასავალი ავტორი: კარლო კოლოდი გამოშვების თარიღი: 2010 ფასი: 39 ლარი |
|
როგორც ყველა პატარა ონავარი ბიჭი, პინოკიოც ძალიან ცელქია, უყვარს მეგობრებთან ერთად გართობა, სეირნობა; ეზარება სწავლა და სკოლაში სიარული. სხვა ჩვეულებრივი ბიჭებივით ისიც იმას აკეთებს, რაც სიამოვნებს, მაგრამ პინოკიო ჩვეულებრივი ბიჭი არ არის. სინამდვილეში ის საერთოდ არ არის ბიჭი, ჯადოსნური ხის ტოტისგან გამოთლილი თოჯინაა, ძალიან ცელქი და გაუგონარი, და თავისი ურჩობის წყალობით სულ ხიფათშია გახვეული: ხან ფეხები ეწვის ცეცხლში, ხან ხეზე კიდებენ და ხანაც ზღვის ურჩხული ყლაპავს. საბოლოოდ, ნამდვილ ბიჭუნად გადაქცევის სურვილით შეპყრობილი, პირობას დებს, რომ აღარასოდეს მოიქცევა ცუდად. მაგრამ გვიან ხომ არ არის?! ან შეძლებს კი პირობის შესრულებას?!
მხატვარი რობერტო ინოჩეტი მკითხველს კარლო კოლოდის ამ ყველასათვის ცნობილი და საყვარელი ზღაპრის დახვეწილ, გამაოგნებელ ილუსტრაციებს სთავაზობს. |
|
ჩარლი და შოკოლადის ქარხანა ავტორი: როალდ დალი გამოშვების თარიღი: 2010 ფასი: 8 ლარი |
|
იცი სად მზადდება მსოფლიოში ყველაზე უცნაური და საუკეთესო შოკოლადი? ჩვეულებრივი, თხილიანი ან რძიანი კი არა, საოცარი, უგემრიელესი, უმშვენიერესი ფილები, მარადიული კანფეტები, ოთხკუთხა ტკბილეული, მრგვალი რომ გეჩვენება და უამრავი ჯადოსნური რამ...
სად და მისტერ ვილი ვონკას შოკოლადის ქარხანაში – იქ, სადაც მისტერ ვილი ვონკა და მხიარული უუმპა–ლუმპები ათას რამეს იგონებენ ბავშვების გულის გასახარად. ყველა გამოგონება თავისი თვალით ნახეს ერთმა პატარა, გამხდარმა და ძალიან ღარიბმა ბიჭმა, ჩარლი ბაკეტმა და ვილი ვონკას მომგებიანი ბილეთების კიდევ ოთხმა იღბლიანმა მფლობელმა.
შეუერთდი მათ, იმოგზაურე ვილი ვონკას შოკოლადის ქარხანაში და გასაოცარ ამბებს შეიტყობ. |
|
დეტექტივი კალე ბლუმკვისტი ავტორი: ასტრიდ ლინდგრენი გამოშვების თარიღი: 2010 ფასი: 11.9 ლარი |
|
ბაკურ სულაკაურის გამომცელობა კალე ბლუმკვისტის თავგადასავლის პირველი წიგნის განახლებულ, შევსებულ გამოცემას გთავაზობთ.
13 წლის კალე ბლუმკვისტი მოწოდებით დეტექტივია, მაგრამ, სამწუხაროდ, არც ბანდიტებით სავსე ჩიკაგოში ცხოვრობს და არც ლონდონის ჯურღმულებში... ის მშობლებთან ერთად შვედეთის ერთი პატარა, ერთფეროვანი და მოსაწყენი ქალაქის მკვიდრია, რომელსაც სულ ორი ქუჩა და ერთი პატარა მოედანი აქვს.
კალესა და მის უახლოეს მეგობრებს, ანდერსსა და ევა-ლოტას, ”თეთრი ვარდების” სახელით შტაბი მოუწყვიათ და ”ალისფერ ვარდებთან” თავდაუზოგავად ომით ირთობენ თავს. ეს ნამდვილი ომი არ გეგონოს – საზაფხულო არდადეგებზე ერთი ჩვეულებრივი გასართობია.
ნამდვილი თავგადასავალი მაშინ იწყება, როცა ქალაქს ძია ეინარი ეწვევა. დეტექტივ კალე ბლუმკვისტის მახვილი თვალი უმალვე ამჩნევს ძია ეინარის ავ ზრახვებსა და საეჭვო ქცევას, მაგრამ პატარა ბიჭს ვინ დაუჯერებს?! ამიტომაც კალე ფარულ გამოძიებას იწყებს. მიჰყევი ძიების კვალს და ნახავ, როგორ ამხელს საშიშ დამნაშავეს 13 წლის დეტექტივი. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|