|
ყველა
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
|
|
ფეისკონტროლი ავტორი: ნინო გუგეშაშვილი გამოშვების თარიღი: 2011 ფასი: 2.9 ლარი |
|
ნინო გუგეშაშვილი ლიტერატურულ კონკურს ”PENმარათონის” 2010 წლის გამარჯვებულია. ახალგაზრდა მწერლის კრებული რვა მოთხრობისგან შედგება. მათგან ერთ-ერთი - ”პრომეთეს ბენზინი” საგანგებოდ ”PENმარათონისთვის” დაიწერა და ჟიურის მიერ საუკეთესოდ დასახელდა. |
|
უმანკოების ხანა ავტორი: ედით უორტონი გამოშვების თარიღი: 2012 ფასი: 11.9 ლარი |
|
ედით უორტონი დაიბადა 1862 წელს ნიუ-იორკის ერთ-ერთ უძველეს და უმდიდრეს ოჯახში. განათლება ჯერ აშშ-ში მიიღო, შემდეგ კი საზღვარგარეთ. არის მრავალი რომანისა და მოთხრობის ავტორი. გარდაიცვალა საფრანგეთში 1937 წელს. ედით უორტონი პირველი მწერალი ქალია, რომელსაც პულიცერის პრემია მიანიჭეს რომან ”უმანკოების ხანისათვის”.
”უმანკოების ხანა” ძველი ნიუ-იორკის ცხოვრების ამსახველი რომანია. მწერალი ხატოვნად აცოცხლებს გაზით განათებულ ქუჩებს, სასახლეებში გამართულ მეჯლისებსა და საზოგადოებას, რომლის წევრებიც ”სკანდალს ავადმყოფობაზე მეტად უფრთხიან”. ასეთია ნიულენდ არჩერისა და მისი საცოლის, მეი უელანდის სამყარო. მაგრამ უეცრად, დიდი ხნის შემდეგ, ნიუ-იორკში ბრუნდება უცნაური, ყველასგან განსხვავებული გრაფინია ელენ ოლენსკა და არჩერის ცხოვრებას თავდაყირა აყენებს. |
|
უმანკოების მუზეუმი ავტორი: ორჰან ფამუქი გამოშვების თარიღი: ფასი: 19.9 ლარი |
|
ორჰან ფამუქი პირველი თურქი რომანისტია, რომელსაც ნობელის პრემია მიენიჭა. მწერალი 1952 წელს დაიბადა სტამბოლში. რობერტ კოლეჯის დამთავრების შემდეგ არქიტექტურას სწავლობდა, თუმცა საბოლოოდ სწავლას თავი ანება და გადაწყვიტა, მწერალი გამხდარიყო.
უმანკოების მუზეუმი ორჰან ფამუქის ბოლო რომანია, რომელიც 2008 წელს გამოვიდა. 30 წლის ქემალისა და 18 წლის ფუსუნის სიყვარულის ისტორია ძირითადად 1970-80-იან წლებში ვითარდება. როგორც მწერლის თითქმის ყველა წიგნში, აქაც ერთ-ერთი მთავარი გმირი სტამბოლია - ევროპული ყაიდის პროსპექტებით და აზიური ქალაქის ჩიხებით, დიდებული მეჩეთებითა და ღარიბთა უბადრუკი უბნებით.
უმანკოების მუზეუმის წერისას ფამუქი რეალურ მუზეუმსაც ქმნიდა - ადგილს, სადაც რომანში აღწერილ სიყვარულის ისტორიასა და, ზოგადად, ეპოქასთან დაკავშირებულ ნივთებს გამოფენდა. მუზეუმი 2010 წელს გაიხსნა წიგნში აღწერილ სტამბოლის ერთ-ერთ უბან ჩუქურჯუმაში. |
|
უთვისებო კაცი ავტორი: რობერტ მუზილი გამოშვების თარიღი: 2011 ფასი: 19.9 ლარი |
|
"მათთვის, ვინც ინტელექტუალურ თავგადასავალს ეძებს"; "უთვისებო კაცი" მკითხველისგან ისეთსავე გაბედულებას ითხოვს, როგორსაც მოსალოდნელი ხიფათი და სიძნელეები მსოფლიოს გარშემო მოგზაურისგან"; "უკიდურესად ირონიული და ამასთან უტოპიური..." _ ასე აფასებდნენ რობერტ მუზილის ამ რომანს ავტორის თანამედროვენი.
მუზილი თითქმის მთელი ცხოვრება მუშაობდა "უთვისებო კაცზე", რომელიც დაუმთავრებელი დარჩა. 1930-1940-იან წლებში ტექსტი ნაწილ-ნაწილ გამოქვეყნდა. 1952 წელს რომანი ორ ტომად გამოიცა და ფართო საზოგადოების ყურადღებაც ამის შემდეგ მიიპყრო.
რობერტ მუზილის ”უთვისებო კაცის” პირველი ტომი 2008 წელს გამოიცა. ამ თარგმანისათვის მაია ბადრიძეს ლიტერატურული პრემია ”გალა” მიენიჭა. მეორე ტომი რამდენიმე წლის დაგვიანებით გამოდის, ამიტომ საჭიროდ ჩავთვალეთ, პირველი წიგნი ხელახლა გამოგვეცა. ახლა მკითხველს ხელთ აქვს ”უთვისებო კაცის” სრული ქართული ტექსტი. |
|
მოდელი 18/12 ავტორი: გურამ მეგრელიშვილი გამოშვების თარიღი: 2011 ფასი: 6.9 ლარი |
|
თანამედროვე ქართული პროზის მკითხველთათვის გურამ მეგრელიშვილის სახელი უკვე კარგად ნაცნობია. მიუხედავად იმისა, რომ მწერალი საკმაოდ ახალგაზრდაა, იგი უკვე რამდენიმე წიგნის ავტორია. მის პროზას მკითხველის ინტერესთან ერთად არც ლიტერატურული კონკურსების ჟიურის ყურადღება აკლია. გურამ მეგრელიშვილი არაერთხელ ყოფილა სხვადასხვა კონკურსის ნომინანტი თუ გამარჯვებული. ახალ რომანში ”მოდელი 18/12” მწერალი მისთვის ჩვეული მსუბუქი სტილით ხლართავს ნახევრად დეტექტიურ, ნახევრად ფანტასტიკურ ისტორიას. |
|
მისნის ღამე ავტორი: პოლ ოსტერი გამოშვების თარიღი: 2012 ფასი: 11.9 |
|
სიდნი ორი, ამ წიგნის პროტაგონისტი, სიკვდილს სასწაულით გადაურჩა. თვეების შემდეგ ახალ ცხოვრებას ისე იწყებს, თითქოს ბურანშია - და აი აქ ხვდები, რომ რეალობის განცდადაკარგულს, ფიზიკურად სრულიად გამოფიტულს, ქუჩაში ექიმის რჩევით ჯიუტად მოლასლასე ადამიანს რეალობა სულ სხვანაირად წარმოუდგება. ყველაფერი, რაც ცხოვრებაში მყარი, თავისთავად მისაღები, მკვიდრად ფესვგადგმული ჩანს, მისთვის აუტანლად მძიმე და დიდია (თავის ლამის უსხეულო არსებობასთან შედარებით), ყველა როლი ცხოვრებაში - განსაკუთრებული, მწერლის ხელობა კი - ერთადერთი გასაღები, რომლის მეშვეობითაც ხელახლა შეძლებს რეალობაში შესვლას. |
|
მებრძოლთა კლუბი ავტორი: ჩაკ პალანიკი გამოშვების თარიღი: 2012 ფასი: 9.9 ლარი |
|
”მებრძოლთა კლუბი” - ჩაკ პალანიკის პირველი რომანი - 1996 წელს გამოქვეყნდა. 1999-ში დევიდ ფინჩერმა წიგნის მიხედვით ამავე სახელწოდების ცნობილი ფილმი გადაიღო.
”არსად ისეთი ცოცხალი არ ხარ, როგორც ”მებრძოლთა კლუბში”. აქ მხოლოდ შენ და შენი მეტოქე ხართ, სარდაფის ცენტრში ნათურის ქვეშ დგახართ სხვა მებრძოლებით გარშემორტყმული. ”მებრძოლთა კლუბში” გამარჯვებას ან მარცხს მნიშვნელობა არ აქვს. ”მებრძოლთა კლუბი” ცარიელი სიტყვები არაა. ხედავ პირველად მოსულ ტიპს, აშკარად ვიღაც უტრაკო ცინგლიანია. გადის ექვსი თვე და იგივე ტიპი ქვისგან გამოკვეთილი გგონია, უკვე აღარაფრის ეშინია და თავდაჯერებულია. ”მებრძოლთა კლუბშიც” ისმის ხმაური და ხვნეშა, როგორც სპორტდარბაზში, ოღონდ აქ გარეგნობაზე არავინ ზრუნავს. აქაც ისმის ისტერიული წამოძახილები, როგორც ეკლესიაში და, როცა კვირას შუადღით იღვიძებ, თავს გადარჩენილად გრძნობ.” |
|
ლერწმის სტრატეგია ავტორი: ნანა დევდარიანი გამოშვების თარიღი: ფასი: 5.9 ლარი |
|
|
|
კონკიას ღამე ავტორი: კოტე ჯანდიერი გამოშვების თარიღი: 2009 ფასი: 7.9 ლარი |
|
კრებულში „კონკიას ღამე“ შესულია მწერლის მიერ ბოლო სამი ათწლეულის მანძილზე შექმნილი ცხრა მოთხრობა - „სიტყვა და წიგნი“, „მაყვლიანი“, „საოჯახო ქრონიკა“, „ხანმოკლე შვებულება“, „დაპატიჟება კინოში“, „კონკიას ღამე“, „მატარებლები გვირაბში შედიან“, „განსხვავებული კალიბრის ვაზნა“ და „გლობალიზაცია“.
ჟანრულად და ფორმის თვალსაზრისით კრებული ძალზე მრავალფეროვანია. მას წინ უძღვის ესე ზეპირი სიტყვისა და დაწერილი წიგნის შესახებ. ავტორი ესეში ბევრ რამეს ეხება, ჰომეროსიდან დაწყებული „ვეფხისტყაოსნით“ დამთავრებული.
„მაყვლოვანი“ მოგვითხრობს უძველეს ლათინურ ხელნაწერზე, რომელიც საბოლოოდ ლიტერატურული უცნაურობა აღმოჩნდება.
თანამედროვე ქართული ეპისტოლარული პროზის შესანიშნავი ნიმუშია „საოჯახო ქრონიკა“. მისი გმირები - ერთი ოჯახის წევრები - ერთმანეთს წერილებით ესაუბრებიან. აქ ავტორი ადამიანის სულის სიღრმეებს სწვდება.
სხვა მოთხრობებში მოქმედება ხდება საქართველოში განვითარებული ისტორიული და საზოგადოებრივი მოვლენების ფონზე. გმირები ძირითადად ჩვენი თანამედროვეები არიან. ავტორი დიდი ფსიქოლოგიური სიზუსტით ხატავს მათ პორტრეტებს.
განსაკუთრებული ყურადღების ღირსია მოთხრობა „გლობალიზაცია“. მთავარი გმირია მოხუცი ქართველი გლეხი. იგი მოგვითხრობს თავისი ცხოვრების ამბავს, რომელიც წარიმართა საქართველოში განვითარებული ისტორიული მოვლენების ფონზე - საქართველოს გასაბჭოებიდან 90-იანი წლების ჩათვლით - და მთლიანად ამ მოვლენებთანაა გადაჯაჭვული. |
|
კლდის პირზე, ჭვავის ყანაში ავტორი: ჯერომ სელინჯერი გამოშვების თარიღი: 2006 ფასი: 7.9 ლარი |
|
უცხოენოვან წიგნებს შორის ცოტაა ისეთი, ქართულად რამდენჯერმე რომ ეთარგმნოთ. სელინჯერის „კლდის პირზე, ჭვავის ყანაში...“ ასეთი ბედნიერი გამონაკლისია. 1951 წელს გამოქვეყნებული რომანი პირველად ვახტანგ ჭელიძემ თარგმნა 60-იან წლებში (წიგნს „თამაში ჭვავის ყანაში“ ერქვა), ოცდამეერთე საუკუნის დასაწყისში კი გია ჭუმბურიძის თარგმანი გამოიცა. ჭელიძისეულ ვარიანტთან შედარებით ახალ თარგმანში მთავარი გმირის - 17 წლის ჰოლდენ კოლფილდის მეტყველება (40-იანი წლების ამერიკული სლენგი) მეტადაა დაახლოებული სასაუბრო ენას და დიდწილად თავისუფალია ევფემიზმებისგან.
სელინჯერი ერთ წერილში აღნიშნავდა, რომ ამ „წიგნის მთელი ღირსება მთხრობელის ხმაშია“. მთხრობელი კი ერთი აყლაყუდა თინეიჯერია, მოფარიკავეთა გუნდის კაპიტანი, რომელიც თმას ყოველთვის ისე მოკლედ იკრეჭს, რომ სავარცხელიც კი არ სჭირდება. ოთხი სკოლიდანაა გაგდებული, კინო ჭირის დღესავით სძულს და ისეთი წიგნები უყვარს, წაკითხვის მერე რომ ინატრებ - ნეტა მე და ამის დამწერი ვძმაკაცობდეთო. აბდაუბდა, ჟარგონით სავსე მეტყველება, მთავარი თემიდან ხშირად გადახვევა და უმნიშვნელო დეტალების სიყვარული ჰოლდენ კოლფილდის ხმას სამუდამოდ გამახსოვრებს. |
|
თბილისური ანბანი ავტორი: ალექსანდრ ფლორენსკი გამოშვების თარიღი: 2010 ფასი: 14.9 ლარი |
|
ცნობილი რუსი მხატვრის - ალექსანდრ ფლორენსკის ”თბილისური ანბანი” უჩვეულო წიგნია. ეს არის თბილისის სხვადასხვა ქუჩების და უბნების გრაფიკული ჩანახატები, რომლებიც ქართული ანბანის მიხედვითაა დალაგებული. ანბანის თითოეულ ასოს თითო ჩანახატი შეესაბამება. მაგალითად, ასო გ-ზე გაბრიაძის თეატრია გამოსახული, ასო ც-ზე კი ცხრა ძმის ქუჩა.
ალექსანდრ ფლორენსკი თბილისს შესანიშნავად იცნობს და წლის გარკვეულ დროს საქართველოში ატარებს, ამიტომ ამ ჩანახატებში ვერ შეხვდებით ტურისტულ ღირსშესანიშნაობებს და ადგილებს, რომლებიც ხშირად სარეკლამო ბუკლეტებს ამშვენებს. ალექსანდრ ფლორენსკის თბილისური ტოპოგრაფია ძალიან განსხვავებული და მოულოდნელია. ეს ჩანახატები ქალაქის ერთი შეხედვით არაფრით გამორჩეულ და ხშირად შეუმჩნეველ ადგილებს უჩვეულო კუთხით წარმოგვიჩენს.
ა. ფლორენსკისთვის ”თბილისური ანბანი” პირველი მსგავსი წიგნი არაა, მანამდე მხატვარმა ”იერუსალიმის ანბანი” შექმნა. |
|
ვარდის სახელი ავტორი: უმბერტო ეკო გამოშვების თარიღი: 2011 ფასი: 15.9 ლარი |
|
„ვარდის სახელი“ ცნობილი იტალიელი მწერლის, სემიოლოგისა და შუა საუკუნეების მკვლევრის - უმბერტო ეკოს პირველი რომანია. წიგნი 1980 წელს გამოქვეყნდა და პოსტმოდერნისტული ლიტერატურის კლასიკად ითვლება. ეს არის ტექსტი, რომელიც ისტორიული რომანივით მასშტაბური, გოთიკური რომანივით პირქუში და დეტექტივივით მძაფრია.
მოქმედება 1327 წელს იტალიის ჩრდილო-დასავლეთით მდებარე ბენედიქტელთა მონასტერში ხდება. ფრანცისკელი ბერი უილიამ ბასკერვილელი და მისი ყმაწვილი თანამგზავრი ადსო მონასტერში მომხდარი საზარელი მკვლელობების გამოძიებას ცდილობენ.
რომანი ქართულ ენაზე ხათუნა ცხადაძემ თარგმნა. წიგნის ბოლოთქმაში უმბერტო ეკო დაწვრილებით აღწერს წიგნის შექმნის ისტორიას, რომელიც თავად რომანზე არანაკლებ საინტერესოა. |
|
დღიური ავტორი: ნიკოლას სპარკსი გამოშვების თარიღი: 2012 ფასი: 6.9 ლარი |
|
”დღიური” ნიკოლას სპარკსის პირველი და ყველაზე სახელგანთქმული რომანია. წიგნი 1996 წელს გამოიცა და დღესაც მსოფლიო ბესტსელერების სიაშია, მისი ავტორი კი - ხმაურიანი დებიუტის წყალობით - სხვადასხვა თაობისა და გემოვნების მკითხველის საყვარელ მწერლად იქცა.
წიგნის არნახულ პოპულარობას ხელი მის მიხედვით 2004 წელს გადაღებულმა ფილმმაც შეუწყო. მარადიული სიყვარულის ეს ბრწყინვალედ მოთხრობილი ისტორია ქართულად პირველად ითარგმნა.
|
|
დროშები მტვერში ავტორი: უილიამ ფოლკნერი გამოშვების თარიღი: 2012 ფასი: 13.9 |
|
”დროშები მტვერში” უილიამ ფოლკნერის (1897-1962) რომანებიდან პირველია, რომლის მოქმედებაც მწერლის მიერ გამოგონილ ”იოკნაპატოფას ოლქში” ხდება. 1929 წელს გამოქვეყნებულ წიგნს - გამომცემლის დაჟინებით - ”სარტორისი” დაერქვა, რომანის ტექსტი კი მნიშვნელოვნად შემოკლდა. ”დროშები მტვერში” - ავტორისეული სახელწოდებით და სრულად - მხოლოდ ფოლკნერის გარდაცვალებიდან 11 წლის შემდეგ - 1973-ში გამოიცა.
ეს არის მდიდარი სამხრეთული ოჯახის დრამატული ისტორია, რომელიც პირველი მსოფლიო ომის შემდგომ წლებში ვითარდება. |
|
დაუმთავრებელი ამბავი ავტორი: გელა ჩქვანავა გამოშვების თარიღი: ფასი: 6.9 ლარი |
|
“დაუმთავრებელი ამბავი” ომზე დაწერილი მოთხრობების კრებულია. პირველი ვრცელი მოთხრობის გმირი ყოფილი ბოევიკია, რომელიც ომისდროინდელი მოგონებებით სულდგმულობს და რომლისთვისაც ომი ჯერ არ დამთავრებულა. ის ებრძვის სურვილს, ომის სასტიკი კანონით გაუსწორდეს უსამართლობის ჩამდენთ.
|
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|