|
ყველა
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
|
|
დეიდა ხულია ავტორი: მარიო ვარგას ლიოსა გამოშვების თარიღი: 2010 ფასი: 13.9 ლარი |
|
მარიო ვარგას ლიოსა დაიბადა 1936 წელს სამხრეთ ამერიკაში, პერუს ერთ პატარა ქალაქში. სწავლობდა სამხედრო აკადემიაში, რომელიც არ დაუმთავრებია, შემდეგ - სან-მარკოს ეროვნულ უნივერსიტეტში სამართალსა და ლიტერატურას. მუშაობდა გაზეთებში ჟურნალისტად. შემდეგ სწავლობდა მადრიდის უნივერსიტეტში. აქტიურად იყო ჩართული პოლიტიკურ და საზოგადოებრივ ცხოვრებაში. 1990 წელს პერუს საპრეზიდენტო არჩევნებშიც მონაწილეობდა. 1993 წელს პერუ დატოვა, ორმაგი მოქალაქეობა მიიღო და ესპანეთში გადასახლდა.
ის 12 რომანის, უამრავი მოთხრობის, სამეცნიერო და პუბლიცისტური ნაშრომისა და პიესის ავტორია.
მიღებული აქვს არაერთი პრიზი, მათ შორის, სერვანტესის სახელობის პრემიის - ყველაზე მნიშვნელოვანი ესპანურენოვან სამყაროში. 2010 წელს კი გადაეცა ნობელის პრემია ლიტერატურაში.
"დეიდა ხულია" ავტორის ბიოგრაფიულ მომენტებზე დაფუძნებული რომანია: 19 წლის მწერალს, რომანის გმირისა არ იყოს, ბიძამისის ცოლი, 10 წლით უფროსი ხულია შეუყვარდა და ცოლად შეირთო. ისინი ცხრა წელიწადს ცხოვრობდნენ ერთად. მოგვიანებით კი ლიოსამ დაწერა რომანი, რომელშიც, როგორც მკვლევარები წერენ, ავტორი სწორედ ამ ურთიერთობებზე მოგვითხრობს. |
|
პლატფორმა ავტორი: მიშელ უელბეკი გამოშვების თარიღი: 2010 ფასი: 16.9 |
|
ყველაზე სკანდალური თანამედროვე მწერალი, მიშელ უელბეკი, დაიბადა საფრანგეთში 1958 წელს. პროფესიით აგრონომი და შემდეგ ინფორმატიკოსი ლექსების, რომანებისა, მუსიკალური ალბომების და ფილმების ავტორია. ამბობენ, რომ მან თანამედროვე ფრანგულ ლიტერატურას ახალი ხმა, ახალი ტონალობა შესძინა.
რამდენიმე ერთმანეთზე სკანდალური რომანის ავტორი 2002 წელს პარიზის მეჩეთის წინამძღოლმა და ისლამურმა საზოგადოებებმა ისლამოფობიასა და რასიზმში დაადანაშაულეს. მართალია, ბრალდებები არ დაუმტკიცდა, მაგრამ მიშელ უელბეკი მას შემდეგ ესპანეთში ცხოვრობს.
"პლატფორმა" უელბეკის ერთ-ერთი ყველაზე პოპულარული რომანია. თანამედროვე ევროპა - ადამიანის მარტოობა, ცხოვრების აბსურდულობა, კულტურის კომერციალიზაცია, სექსი და ტერორიზმი, რომელიც ყველაფერს ანადგურებს, დღესდღეობით ყველაზე მტკივნეული ამ თემების გამოა "პლატფორმა" უდავოდ საინტერესო, პრობლემატური, ღრმა და ამავე დროს სკანდალურიც. |
|
ვიკინგები ავტორი: სიგრიდ უნსეტი გამოშვების თარიღი: 2010 ფასი: 7 ლარი |
|
ნობელის პრემიის ლაურეატი, ნორვეგიელი მწერალი ქალი, სიგრიდ უნსეტი 1882 წელს დაიბადა. ნობელის პრემიაცა და საყოველთაო აღიარებაც მას მოუტანა ისტორიულმა ტრილოგიამ "კრისტინ ლავრანსის ასული". "ვიკინგები" X-XI საუკუნეების ნორვეგიისა და ისლანდიის ცხოვრების ამსახველი ისტორიული რომანია, რომელიც უძველესი ისლანდიური საგების სტილით ტრაგიკული
სიყვარულისა და შურისძიების შემზარავ ამბავს მოგვითხრობს. |
|
დაბადებული საბჭოთა კავშირში ავტორი: ვასილე ერნუ გამოშვების თარიღი: 2011 ფასი: 9.9 ლარი |
|
”სსრკ – ეს არის ქვეყანა, სამშობლო, სადაც დავიბადე და ვცხოვრობდი. შეუძლებელია, გულგრილი იყო ამ ქვეყნის მიმართ – მნიშვნელობა არა აქვს, რა დამოკიდებულება გქონდათ მისდამი, გძულდათ თუ გიყვარდათ...”
ასე იწყებს თავის წიგნს ახალგაზრდა რუმინელი მწერალი ვასილე ერნუ, რომელმაც 1991 წელს დატოვა ეს ქვეყანა და საცხოვრებლად ევროპაში გადავიდა. "დაბადებული საბჭოთა კავშირში" პირველად 2006 წელს გამოიცა და განსაკუთრებული ინტერესი სწორედ ყოფილ საბჭოთა ქვეყნებში გამოიწვია.
ვასილე ერნუს თქმით, ის არ ცდილობს, უყვარდეს ან სძულდეს ყოფილი სამშობლო _ "თანამედროვეობის ყველაზე მასშტაბური უტოპიური პროექტი, რომელსაც განხორციელება არ დასცალდა". ის, როგორც made in USSR, მეხსიერებით მოგზაურობს დღეს უკვე აღარარსებულ ქვეყანაში და მკითხველს ირონიითა და ერთგვარი ნოსტალგიით აცნობს "საბჭოთა ყოველდღიურობის არქეოლოგიურ აღმოჩენებს". |
|
ტიპი მეზობელი საფლავიდან ავტორი: კატარინა მასეტი გამოშვების თარიღი: 2006 ფასი: 6.9 ლარი |
|
ინტელექტუალი ქვრივი და ვულგარული ფერმერი პირველად სასაფლაოზე ხვდებიან ერთმანეთს. ქალი ქმარს გლოვობს, მამაკაცი კი მშობლებს ჭირისუფლობს. ისინი სხვადასხვა სოციალურ წრეს ეკუთვნიან, ერთმანეთისგან ინტელექტი და მისწრაფებები აშორებთ, ხოლო აერთიანებთ მთავარი - ვნება. მათი ურთიერთობა თანდათან დრამატულ ხასიათს იღებს. რა არის გადამწყვეტი ქალისა და მამაკაცის ურთიეთობაში და რამდენად მყარია ვნებაზე დაფუძნებული სიყვარული?
თანამედროვე შვედი მწერალი ქალის, კატარინა მასეტის, რომანი "ტიპი მეზობელი საფლავიდან" ადამიანთა ურთიერთობებზე გვიამბობს. |
|
მისტერიები ავტორი: კნუტ ჰამსუნი გამოშვების თარიღი: 2011 ფასი: 14.9 |
|
ნობელის პრემიის ლაურეატის, ცნობილი ნორვეგიელი მწერლის, კნუტ ჰამსუნის მკითხველს უდავოდ ამაღელვებელი მოგზაურობა ელის სიყვარულის მისტერიით სავსე სამყაროში. რომანმა ავტორს მსოფლიო აღიარება მოუტანა. |
|
Homo Faber / ვიქნები თუნდაც განტენბაინი ავტორი: მაქს ფრიში გამოშვების თარიღი: 2010 ფასი: 18.9 ლარი |
|
მაქს ფრიში (1911-1991) ცნობილი შვეიცარიელი მწერალი და დრამატურგი ციურიხში დაიბადა. სწავლობდა გერმანისტიკას, შემდეგ არქიტექტურას, მუშაობდა ჟურნალისტად, იყო ცნობილი და წარმატებული არქიტექტორი. მოგვიანებით მის მთავარ და ერთადერთ საქმიანობად მოგზაურობა და მწერლობა იქცა. უკვე ცნობილი დრამატურგი იყო, როდესაც დაწერა რომანები, რომლებმაც მსოფლიო აღიარება მოუტანა. "მსოფლიო კლასიკის" სერიაში მის ორ ყველაზე ცნობილ რომანს გთავაზობთ: "HOMO FABER" (1954) და "ვიქნები თუნდაც განტენბაინი" (1964).
ორივე რომანი II მსოფლიო ომის შემდეგ მომხდარი სწრაფი ტექნიკური პროგრესის შედეგად ადამიანის ცხოვრებასა და ცნობიერებაში მომხდარ ცვლილებებზე, ადამიანის ადამიანურ გრძნობებსა და განცდებზე, უფრო სწორად კი, მათთან გაუცხოებაზე მოგვითხრობს. რომანში "HOMO FABER" ამ ყველაფერს კიდევ უფრო ამძაფრებს ოიდიპოსის მითის ვარიაცია: ადამიანი მწარმოებელი, შუა ხნის წარმატებული ინჟინერი მიტოვებულ შვილთან ერთად პოულობს უდიდეს სიყვარულს, უბრუნდება ადამიანური განცდები: სიბრალულის, თანაგრძნობის, გულისხმიერების, მეგობრობის... იცვლება მისი დამოკიდებულება ადამიანებისადმი, მთლიანად გარესამყაროსადმი და ამ ცვლილებებს უკვე ზაბეტის ტრაგიკული სიკვდილიც კი ვეღარ აფერხებს. ქალიშვილის დაკარგვის შემდეგ საცქერი თითქოს აღარაფერი ჰქონდა და თავის თავს ეკითხებოდა, რატომ არ აიღებ ამ ჩანგლებს და თვალებს რატომ არ დაითხრიო; მაგრამ ცოტა ხანში უკურნებელი სენით დაავადებულსაც აღარ ეთმობა სიცოცხლე, უნდა, ცოტათი მაინც გაუხანგრძლივდეს, რადგან მარტო აღარ არის, მეგობარი ჰყავს და ისიც იცის, რომ ჭეშმარიტი ბედნიერება სიცოცხლით ტკბობაა. |
|
ამერიკული მოთხრობების ანთოლოგია ავტორი: გამოშვების თარიღი: 2011 ფასი: 18.9 ლარი |
|
"ამერიკული მოთხრობები" XIX-XX საუკუნეებში დაწერილ საუკეთესო მოთხრობებს აერთიანებს. თითოეული მათგანი კლასიკადაა ქცეული და აღიარებულია არა მარტო ამერიკული, არამედ მსოფლიო ლიტერატურის შედევრად. რამდენიმე მოთხრობა ქართველი მკითხველისთვისაც კარგად ნაცნობი და საყვარელია, უმეტესი ნაწილი კი ამ ანთოლოგიისთვის სპეციალურად ითარგმნა და ქართულ ენაზე პირველად იბეჭდება.
კრებულში მოთხრობები დალაგებულია ქრონოლოგიურად – მათი დაწერის თარიღის მიხედვით. სარჩევში ასევე მითითებულია ავტორების დაბადებისა და გარდაცვალების წლები. |
|
გამარჯვებული მარტოა ავტორი: პაულო კოელიო გამოშვების თარიღი: 2011 ფასი: 9.9 |
|
ცნობილი მოდელიორი,ჰამიდჰუსეინი კარიერის დაწყებისას კეთილი განზრახვით ხელმძღვანელობდა,სანამ იმ სისტემის ტყვეობაში არ მოექცა,რომლის გამოყენებაც თვითონ უნდოდა...მსახიობი გაბრიელა წარმატებასა და სახელგანთქმულობას აღმერთებს...რუსი მილიონერი იგორი დარწმუნებულია,რომ აქვს უფლება,მოკლას,თუკი საამისოდ საფუძვლიანი მიზეზი ექნება-მაგალითად,ვიღაც იხსნას ტანჯვისგან,ან ხელახლა მიიპყროს ყოფილი ცოლის ყურადღება.პაულო კოელიოს რომანი, "გამარჯვებული მარტოა" ცხოვრებისეულ ხაფანგზეა:ძალაუფლებისა და წარმატების ძიებით თავბრუდახვეული რომანის გმირები ვერც კი ამჩნევენ,როგორ ეცლებათ ხელიდან ბედნიერების აღქმის უნარი,საყვარელი ადამიანი და თავად სიცოცხლეც კი. |
|
განთიადი ავტორი: სტეფანი მეიერი გამოშვების თარიღი: 2011 ფასი: 9.9 ლარი |
|
მომხიბლავი ვამპირისა და თინეიჯერი გოგონას სიყვარულის ეს უაღრესად ემოციური და გულისამაჩუყებელი ამბავი "განთიადით" სრულდება. საგის ბოლო, დასკვნით ნაწილში კვანძი იხსნება.
წიგნის ერთი მხრივ მოსალოდნელი, მეორე მხრივ კი მაინც უჩვეული დასასრული არც ერთ ახალგაზრდა მკითხველს არ დატოვებს გულგრილს. |
|
ულისე ბაღდადიდან ავტორი: ერიკ-ემანუელ შმიტი გამოშვების თარიღი: 2011 ფასი: 9.9 |
|
"მე მქვია საად საადი, რაც არაბულად იმედ იმედს ნიშნავს, ხოლო ინგლისურად – სევდიან სევდიანს," – ასე იწყება თანამედროვე ფრანგული პროზის ერთ-ერთი სახელგანთქმული წარმომადგენლის, ერიკ-ემანუელ შმიტის რომანი "ულისე ბაღდადიდან".
ნაწარმოების მთავარ გმირს, საად საადს ბაღდადის დატოვება გადაუწყვეტია, ქალაქისა, სადაც დაბომბვისას მისი არაერთი ახლობელი და ნათესავი დაიღუპა, მათ შორის საადის საცოლეც. საადს ნებისმიერ ფასად სურს, ჩააღწიოს ევროპაში, რომელიც მის წარმოდგენაში თავისუფლებისა და საამური მომავლის ტოლფასია. ამისათვის კი უნდა მოახერხოს საზღვრის გადაჭრა, თუმცა ჯიბეში ერთი დინარიც არ უჭყავის; გადაურჩეს გემის ჩაძირვას; მოადუნოს ციკლოპი ციხისთავის სიფრთხილე და გათავისუფლდეს სიცილიელი კალიფსოს ჯადოქრული ხიბლისგან...
ერიკ-ემანუელ შმიტი, თხრობის უბადლო ოსტატი, აიძულებს მკითხველს, მონუსხულმა მორჩილად იხეტიალოს სიუჟეტის ლაბირინთებში, რომელიც მას ხან ჰომეროსის გმირის ყარიბობას მოაგონებს, ხანაც "ათას ერთი ღამის" ზღაპრებს; და უთუოდ დააფიქრებს იმაზე, აქვს თუ რა მნიშვნელობა საზღვრებს მესამე ათასწლეულის დასაწყისის კაცობრიობისათვის. |
|
პილატეს სახარება ავტორი: ერიკ-ემანუელ შმიტი გამოშვების თარიღი: 2011 ფასი: 9.9 ლარი |
|
ნაწილი პირველი: ზეთისხილის ბაღში განმარტოებული იეშუა მოუთმენლად ელოდება მის დასაპატიმრებლად გამოგზავნილ ჯარისკაცებს. მათ მოსვლამდე კი საკუთარ თავგადასავალს იხსენებს და კიდევ ერთხელ აანალიზებს, რა ზებუნებრივმა ძალამ აქცია ის – უბრალო დურგლის შვილი ადამიანთა სულიერ წინამძღოლად, სასწაულმოქმედ მკურნალად, მარადიული სიყვარულის, მონანიებისა და მიტევების მქადაგებლად...
ნაწილი მეორე: ჯვარცმული იეშუას წამებიდან სამი დღის შემდეგ, პასექის დილას პილატე მანამდე გაუგონარ საგამოძიებო საქმეში ჩაება: მიცვალებული გაქრა და ცოტა ხანში მკვდრეთით აღმდგარი ისევ გამოეცხადა საზოგადოებას. საგონებელში ჩავარდნილი პილატე დაუღალავად იძიებს გვამის გაქრობის საკითხს და თანდათან, მიუხედავად იმისა, რომ მკვდრეთით აღმდგარი იეშუა თავისი თვალით არ უნახავს, მის სულში ეჭვთან ერთად მესიის რწმენა იკაფავს გზას. იქნებ სწორედ პილატეა პირველი ქრისტიანი, ვინც დაუჯერებელი დაიჯერა და წარმოუდგენელი ირწმუნა? |
|
გოგონა დრაკონის ტატუთი ავტორი: სტიგ ლარსონი გამოშვების თარიღი: 2011 ფასი: 10.9 ლარი |
|
შვედეთის ერთ-ერთ კუნძულზე 40 წლის წინ მოხდა მკვლელობა, რომლის გამოძიებასაც უკვე 82 წლის ჰენრიკ ვანგერმა ნახევარი სიცოცხლე შეალია. მას სიბერეშიც ერთადერთი სურვილი აქვს: გაიგოს, ვინ მოკლა მისი საყვარელი ძმის შვილიშვილი. ჰენრიკ ვანგერი საქმის გამოსაძიებლად ქირაობს ახალგაზრდა ჟურნალისტს, მიქაელ ბლუმკვისტს, რომელიც ფინანსური პრობლემების გამო იძულებულია, კარგი ანაზღაურების სანაცვლოდ ჩაერთოს გამოძიებაში; მასთან ერთად გამოძიებაში მონაწილეობს საზოგადოებისგან გონებაშეზღუდულად გამოცხადებული ახალგაზრდა ჰაკერი გოგონა დრაკონის ტატუთი, ლისბეთ სალანდერი... ერთმანეთისგან რადიკალურად განსხვავებული ამ სამი ადამიანის მიერ წარმოებული გამოძიება, რომელიც ფოტოებით, საარქივო მასალებში ქექვით და ადგილობრივთა მოგონებებზე დაყრდნობით მიმდინარეობს, მკითხველისათვის წარმოუდგენელი შედეგით სრულდება...
ერთი შეხედვით კლასიკურ, თუმცა მაინც უაღრესად ორიგინალურ დეტექტივს რამდენიმე მთავარი სიუჟეტური ხაზი და, შესაბამისად, ამდენივე კვანძის გახსნა აქვს. ეს უაღრესად ჩახლართული ისტორია, მიუხედავად მისი დიდი მოცულობისა, ერთი ამოსუნთქვით იკითხება.
"გოგონა დრაკონის ტატუთი" (შვედური ორიგინალის სახელწოდებაა "ქალთმოძულე კაცები") პირველი წიგნია ე.წ "მილენიუმის ტრილოგიისა", რომელიც გამოცემისთანავე 40 ენაზე ითარგმნა და 21-მილიონიანი ტირაჟით გაიყიდა. ტრილოგიის მსოფლიო ბესტსელერად ქცევას მისი ავტორი სამწუხაროდ ვერ მოესწრო – ის 2004 წელს, ტრილოგიის გამოცემამდე ერთი წლით ადრე, 50 წლის ასაკში ინფარქტით გარდაიცვალა. |
|
ბუზთა ბატონი ავტორი: უილიამ გოლდინგი გამოშვების თარიღი: 2011 ფასი: 11.9 ლარი |
|
1980 წლის ბუკერისა და 1983 წლის ნობელის პრემიების ლაურეატი, ბრიტანელი მწერალი, უილიამ გოლდინგი (1911-1993) მე-20 საუკუნის ერთ-ერთი ცნობილი ლიტერატორია. 2008 წელს ჟურნალმა `ტაიმსმა~ მას 50 საუკეთესო თანამედროვე ბრიტანელ ავტორთა სიაში მესამე ადგილი მიაკუთვნა.
უილიამ გოლდინგი მუშაობდა მასწავლებლად, მოღვაწეობდა თეატრში, პოეზიაში, მუსიკაში, იბრძოდა საზღვაო ძალებში. მწერლის ინტერესის სფეროებმა გავლენა მის ნაწარმოებებზეც მოახდინა. უკვე 40 წელს გადაცილებულმა დაწერა რომანი `ბუზთა ბატონი~ (1954) – უამრავი სიმბოლიკით დატვირთული ერთგვარი ლიტერატურული პაროდია, `რობინზონიადას~ ერთ-ერთი ვარიანტი, რომელშიც ველური კუნძულის ერთადერთი ცივილიზებული წარმომადგენლები ბავშვები არიან. ამ რომანით მწერალმა არაერთი სტერეოტიპი დაანგრია და უკაცრიელ კუნძულზე მოხვედრილი სკოლის მოსწავლეების მაგალითზე შეულამაზებლად ასახა ადამიანის ქვეცნობიერში ცივილიზებულობის მიღმა მიმალული ურჩხული.
"ბუზთა ბატონი" გოლდინგის პირველი და ყველაზე ცნობილი რომანია. მის გამოქვეყნებას თავიდან დიდი წარმატება არ მოჰყოლია, მაგრამ 60-იანი წლების დასაწყისში ბესტსელერად იქცა და კრიტიკოსებიც დაინტერესდნენ. 1963 წელს პიტერ ბრუკმა, ხოლო 1990 წელს ჰარი ჰუკმა რომანის მიხედვით ფილმები გადაიღეს. |
|
ბატონი იბრაჰიმი და ყურანის ყვავილები ავტორი: ერიკ-ემანუელ შმიტი გამოშვების თარიღი: 2011 ფასი: 5.9 |
|
ცამეტი წლის მომო მამამაც მიატოვა და სულ მარტო დარჩა. მომოს ერთადერთი არაბი მეგობარი ჰყავს, ბატონი იბრაჰიმი, საბაყლოს მფლობელი ცისფერი ქუჩიდან...
ფრანგი მწერალი, ერიკ ემანუელ შმიტი, თავის რომანში – "ბატონი იბრაჰიმი და ყურანის ყვავილები" – ცდილობს, პატარა მომოს თვალით დაგვანახოს, რომ გარეგნული იერსახე ხშირად მატყუარაა; ცისფერი ქუჩა, თურმე, შეიძლება სულაც არ იყოს ცისფერი; არც არაბი იყოს არაბი და შესაძლოა არც ცხოვრება იყოს ისეთ სევდის მომგვრელი, როგორიც ჰგონიათ ხოლმე. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|