|
ყველა
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
|
|
პატარა თხუნელას ამბავი, რომელსაც უნდოდა გაეგო, ვინ უქნა თავზე ავტორი: ვერნერ ჰოლცვართი, ვოლფ ერლბრუხი გამოშვების თარიღი: ფასი: 7.9 ლარი |
|
„პატარა თხუნელას ამბავი“ მთელ მსოფლიოში სახელგანთქმული საბავშვო წიგნის ქართული თარგმანია. მოთხრობა, რომელიც კარგა ხანია სხვადასხვა ქვეყნის ბავშვების საყვარელ საკითხავად იქცა, „დიოგენეს“ თანამედროვე საბავშვო წიგნების სერიას ხსნის. წიგნი პატარებს ხიბლავს მასში მოთხრობილი უჩვეულო, ტრადიციული საბავშვო წიგნებისაგან განსხვავებული ამბით და მოუსვენარი მთავარი გმირით - სიმართლის გარკვევის სურვილით შეპყრობილი პატარა თხუნელათი, რომელიც თანამედროვე საბავშვო ლიტერატურაში ერთ-ერთი ყველაზე პოპულარული პერსონაჟია. წიგნი სკოლამდელი და მცირე სასკოლო ასაკის ბავშვებისთვისაა განკუთვნილი.
|
|
პარადიის არდადეგები ავტორი: თეა თოფურია გამოშვების თარიღი: 2010 ფასი: 9.9 ლარი |
|
„პარადიის არდადეგები“ თეა თოფურიას საბავშვო წიგნია, რომელიც ორი მოთხრობისგან შედგება. წიგნის სათაურად პირველი მოთხრობის სახელწოდებაა გამოტანილი. მეორე მოთხრობა - „მოდრეიფე სოფელი“ - პირველის გაგრძელებაა.
ეკი პატარა გოგონაა, რომლის მშობლებიც ბევრს მოგზაურობენ და მისთვის ვერასდროს იცლიან. მორიგი მოგზაურობისას ეკი დედ-მამასთან ერთად სასტუმრო „ჩექმებიან კატაში“ დაბინავდება, სადაც უცნაური ამბები ხდება. იმავე სასტუმროში ცხოვრობენ პარადიის მკვიდრები. ეს ქალაქი გეოგრაფიის არც ერთ წიგნში არ არის მოხსენიებული. პატარა გოგონას ახალი მეგობრები ჰყავს - ნამცხვრების ცხობის დიდოსტატი მოლაპარაკე ძაღლი ფრედერიკი, გენერალი გაჩერდიარგაინძრე, კეთილი ორმოცფეხა და სხვა პარადიელები, რომლებთან ერთადაც თავს უჩვეულო ამბები გადახდება.
„მოდრეიფე სოფელში“ მოთხრობილია, როგორ აღმოაჩინეს გემ „წმინდა მარკოზის“ მეზღვაურებმა პარადია და როგორ დააარსეს მსოფლიოში ყველაზე უცნაური, გემებზე გაშენებული „მოდრეიფე სოფელი“. |
|
პალომა - უცნაური მეფის ასული ავტორი: თეა ლომაძე გამოშვების თარიღი: ფასი: 12.9 ლარი |
|
ბავშვობაში ყველა გოგონა ოცნებობს მეფის ასულობაზე, მაგრამ იციან მათ, რომ ყველა პრინცესა ერთნაირი არ არის? ზოგი მათგანი უცნაურია. უცნაურია იმიტომ, რომ ჩვეულებრივ გოგონას ჰგავს და სულ არ იქცევა ისე, მეფის ასულს რომ შეჰფერის. სწორედ ასეთი უცნაურია ერთი პატარა, ძალიან ლამაზი ქვეყნის მეფის ერთადერთი ასული - პალომა. ჰოდა, ყველას რომ უკვირდა მისი საქციელი, მანაც სასახლიდან გაპარვა გადაწყვიტა. აი, ასე დაიწყო ყველაფერი. პალომას ბევრი რამ გადახდა თავს, მაგრამ კეთილი და მგრძნობიარე მეფის ასული არ შეცვლილა, პირიქით - მან თავად შეცვალა ყველა, ვისაც შეხვდა. თავის გრძელ გზაზე პალომა სულიერად გაიზარდა, ყველას უწილადა სიკეთე და, რაც მთავარია, ნამდვილი, მოულოდნელი სიყვარული იპოვა.
„პალომა - უცნაური მეფის ასული“ არ არის ზღაპარი ტრადიციული გაგებით. აქ ვერ შეხვდებით ჯადოსნურ ნივთებს და მოვლენებს. მაგრამ ეს მოთხრობა მაინც ჯადოსნური ზღაპარია, რადგანაც ბევრ ბავშვს შეაყვარა წიგნის კითხვა.
1996 წელს "პალომა - უცნაური მეფის ასული" "დიოგენეს" საბავშვო ნაწარმოებების კონკურსის II პრემიით დაჯილდოვდა. ეს ორენოვანი სასაჩუქრო გამოცემა რუსუდან ფეტვიაშვილის ფერადი ილუსტრაციებითაა გაფორმებული. მოგვიანებით ავტორმა წიგნის გაგრძელება დაწერა. ორივე ნაწილი ინგლისურად ითარგმნა და 2006 წელს ერთ წიგნად გამოიცა. |
|
კოტრიალა ლექსები ავტორი: ბარბარა რაიდი გამოშვების თარიღი: 2010 ფასი: 10.9 ლარი |
|
„კოტრიალა ლექსები“ ინგლისური საბავშვო პოეზიის კლასიკური ნიმუშების კრებულია. ქართულ ენაზე ნათარგმნი თოთხმეტი ლექსი დასურათებულია ცნობილი კანადელი მწერლისა და ილუსტრატორის - ბარბარა რაიდის მიერ. ილუსტრირების მისეული მეთოდი უნიკალურია: წიგნების დასასურათებლად იგი ფიგურებს პლასტილინისგან ძერწავს. |
|
ერნესტი და სელესტინი პიკნიკზე მიდიან ავტორი: გაბრიელ ვენსანი გამოშვების თარიღი: 2010 ფასი: 9.9 ლარი |
|
”ერნესტი და სელესტინი პიკნიკზე მიდიან” გაბრიელ ვენსანის სახელგანთქმული საბავშვო სერიის ერთ-ერთი წიგნია. მთავარი გმირები - თაგუნია სელესტინი და დათვი ერნესტი მეგობრები არიან. მათ თავს გადამხდარი მხიარული ამბები უკვე ათწლეულებია, სხვადასხვა ქვეყნის და თაობის ბავშვების საყვარელი საკითხავია. სერიის ილუსტრაციები კი საბავშვო წიგნის მხატვრობის კლასიკადაა აღიარებული. |
|
გუდანდარას და გუდუ-გუდუს თავგადასავალი ავტორი: ლელა ცუცქირიძე გამოშვების თარიღი: 2011 ფასი: 4.9 ლარი |
|
გუდანდარას და გუდუ-გუდუს თავგადასავალი” სკოლამდელი და მცირე სასკოლო ასაკის ბავშვებისთვის განკუთვნილი მხიარული ზღაპარია. წიგნი თინა ჩხიკვიშვილის მიერაა ილუსტრირებული. |
|
გასაღვიძებელი ზღაპრები ავტორი: თეა თოფურია გამოშვების თარიღი: 2011 ფასი: 9.9 ლარი |
|
”ეს ზღაპრები იმათთვისაა, ვისაც ძილი უყვარს და ამის გამო სკოლაში უგვიანდება. იკითხება დილაუთენია, ხმამაღლა და მკაფიოდ”. ასე იწყება თეა თოფურიას ზღაპრების ახალი წიგნი, რომელიც სკოლამდელი და მცირე სასკოლო ასაკის ბავშვებისთვისაა განკუთვნილი. წიგნი ილუსტრირებულია ია გიგოლაშვილის მიერ. |
|
არრა! ავტორი: მარტა ალტესი გამოშვების თარიღი: 2011 ფასი: 4.9 ლარი |
|
რაღას არ იგონებს პატარა ძაღლი, ოღონდ კი ოჯახის წევრებს თავი მოაწონოს! ცხადია, იმათაც გულით უნდა უყვარდეთ, მაგრამ ჩვენს ცუგას ერთი რამ მაინც ვერაფრით გაუგია...
”არრა!” მარტა ალტესის პირველი წიგნია, რომელიც გამოსვლისთანავე პოპულარული გახდა. პატარა, მოუსვენარი ძაღლის ამბავი სკოლამდელი და მცირე სასკოლო ასაკის ბავშვებისთვისაა განკუთვნილი. წიგნი ქართულად გია ჭუმბურიძემ თარგმნა. |
|
აბა გამოიცანი, როგორ მიყვარხარ ავტორი: სემ მაკბრეტნი, ანიტა ჯირემი გამოშვების თარიღი: 2011 ფასი: 9.9 ლარი |
|
ციცქნა და დიდი ყურცქვიტას ამბავი, რომლებიც არკვევენ ვის უფრო მეტად უყვარს მეორე, თანამედროვე საბავშვო ლიტერატურაში მოვლენად იქცა. მსოფლიო მასშტაბით წიგნის თვრამეტ მილიონზე მეტი ეგზემპლარი გაიყიდა და უკვე თხუთმეტი წელია, რაც წაბლისფერი ყურცქვიტები მრავალი ქვეყნის ბავშვების საყვარელი გმირები არიან. |
|
სპორტი ავტორი: გამოშვების თარიღი: 2008 ფასი: 4.9 ლარი |
|
ეს წიგნი სპორტის მთელ მრავალფეროვნებას ასახავს. სპორტის აქ აღწერილ სახეობებს მისდევენ როგორც მოყვარულები, ისე პროფესიონალები.
ენციკლოპედიაში ნახავთ ცნობებს როგორც ანტიკურ ეპოქაში გავრცელებული, ისე აღორძინების ეპოქაში არსებული და თანამედროვე სპორტის სახეობების შესახებ. გაეცნობით სპორტის ინდივიდუალურ და გუნდურ სახეობებს. გაიგებთ, ვინ შეიმუშავა თითოეული სახეობისათვის ზუსტი და მყარი წესები. წაიკითხავთ სპორტსმენთა შთამბეჭდავი გამარჯვებებისა და სხვადასხვა დროს დამყარებული რეკორდების შესახებ. ამაში მდიდარი საილუსტრაციო ფოტომასალა დაგეხმარებათ.
ენციკლოპედია ნებისმიერი ასაკისა და გემოვნების მკითხველს დააინტერესებს.
|
|
საქართველოს ატლასი მოზარდთათვის ავტორი: გამოშვების თარიღი: 2005 ფასი: 12.9 ლარი |
|
ეს წიგნი 10-დან 15 წლამდე მოზარდებისთვის შეიქმნა. ის საქართველოს ბუნების, კულტურის სიმდიდრისა და მრავალფეროვნების შესახებ მოგვითხრობს. უამრავი ფოტო, ნახატი, რუკა და სხვა თვალსაჩინოება, ზუსტი მეცნიერული ინფორმაცია, უნიკალური მასალა და უახლესი აღმოჩენები წიგნს ნებისმიერი
ასაკის მკითხველისათვის საინტერესოს ხდის.
რას ნიშნავს "ირის იბერიკა"?
როდის გამოუშვეს საქართველოში პირველი ქაღალდის ფული?
სად აღმოაჩინეს პირველი ევრაზიელების ნაკვალევი?
ვინ იყვნენ უსტაბაშები?
როგორები არიან ზარნაშო და ჩხურუშტი?
რა განსხვავებაა ჩურჩხელასა და ჯანჯუხს შორის?
პასუხს ყველა კითხვაზე ამ ატლასში იპოვით! |
|
მუსიკა ავტორი: გამოშვების თარიღი: 2010 ფასი: 14.9 ლარი |
|
|
|
მსოფლიოს რელიგიები ავტორი: გამოშვების თარიღი: ფასი: 29.9 ლარი |
|
ამ საყმაწვილო ენციკლოპედიაში გაეცნობით როგორც მსოფლიოს ძირითად რელიგიებს, მათ წარმოშობასა და რიტუალებს, ისე შედარებით ნაკლებად გავრცელებულ თუ ჩვენთვის უცნობ სარწმუნოებებს. წიგნში ნახავთ ცნობებს მთავარი ღმერთებისა და მცირე ღვთაებების, რელიგიების ისტორიაში ნაკლებად ცნობილი მოვლენების, ათასწლეულების წინ გამქრალი სარწმუნოებების შესახებ. მრავალფეროვანი ინფორმაციის შემცველი, ფოტოებით, ნახატებითა და რუკებით მდიდარი ეს ენციკლოპედია ნებისმიერი ასაკისა და გემოვნების მკითხველს დააინტერესებს. რატომ აღმართავდა ისტორიამდელი ადამიანი მენჰირებს? რომელია ბერძნების მთავარი ღმერთი? რომელ ტექსტებს ეფუძნება იუდაიზმი? როდის გაჩნდა ქრისტიანობის დიდი განშტოებები? როგორ წარმოიშვა ისლამი? რა არის რეინკარნაცია? პასუხს ყველა კითხვაზე ამ ენციკლოპედიაში იპოვით! |
|
მოგზაურობა სიზმარეთში ავტორი: დავით ზურაბიშვილი გამოშვების თარიღი: 2011 ფასი: 11.9 ლარი |
|
გიორგი და ანასტასია წითელი აგურის პატარა, კოხტა სახლში ცხოვრობენ. ძალიან უყვართ ზღაპრები, განსაკუთრებით ჯადოქრებზე, ურჩხულებსა და პრინცესებზე. ხშირად დაქრიან ოთახებში სათამაშო ხმლებით, სახაზავებით, საბერტყი ჯოხებით და ეომებიან წარმოსახვით "ბოროტებს". ხან ჩხუბობენ კიდეც და უფროსებსაც აბრაზებენ. ერთი სიტყვით, ჩვეულებრივი ბავშვები არიან...
ერთ დღესაც ამ ონავარ ბავშვებს ფერია გამოეცხადებათ და საოცარი ქვეყნის, სიზმარეთის შესახებ უამბობს... ამ ქვეყანაში თურმე ჯადოქრები, ჭინკები, ქაჯები, მაქციები, ვამპირები და სხვა უცნაური არსებები ბინადრობენ. მათ შორის ყველაზე საშიში იდუმალ-ავბედითი ქვეყნის, შავეთის იმპერატორი საურ-მაგია, რომელსაც განუზრახავს, სრულიად სიზმარეთის იმპერატორი გახდეს და ყველგან წყვდიადის მეუფება დაამყაროს, მერე კი დედამიწასაც შემოუტიოს და მთელ მსოფლიოს დაეპატრონოს. ბავშვებს ზუსტად სამი დღე და სამი ღამე აქვთ ჯადოსნური სიზმარეთისა და დედამიწის გადასარჩენად. |
|
ზოლემია ავტორი: სოფო კირთაძე გამოშვების თარიღი: 2011 ფასი: 14.9 ლარი |
|
ზოლემია, მამა ზებრას უცნაურ თავგადასავალზე გიამბობთ, ერთ მშვენიერ დღეს ის უცნაურ რამეს აღმოაჩენს, თურმე მისი სხეულიდან შავ ზოლებს გაქრობა დაუწყია. მამა ზებრა შეშფოთებლია, არ იცის რა მოიმოქმედოს, ეშინია და რცხვენია...
წაუკითხეთ პატარებს და მათთან ერთად ისიამოვნეთ ამ სახალისო ზღაპარით და გაიგეთ როგორ დასრულდება მამა ზებრას უჩვეულო თავგადასავალი.
წიგნში გამოყენებული არაჩვეულებრივი ილუსტრაციები ტექსტის ავტორს, ახალგაზრდა ქართველ მხატვარ–ილუსტრატორს, სოფო კირთაძეს ეკუთვნის. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|