|
ყველა
"საგამომცემლო სახლი ტრიასი"
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
|
|
სიმფონია-ლექსიკონი (II ნაკვეთი) ავტორი: გამოშვების თარიღი: ფასი: 14 ლარი, 16 ლარი მაგარ ყდაში |
|
"ძველი ქართული აგიოგრაფიული ლიტერატურის ძეგლების" სიმფონია-ლექსიკონი მომზადდა ხელნაწერთა ეროვნულ ცენტრში (ადრინდელი საქართველოს მეცნიერებათა აკადემიის კ.კეკელიძის სახელობის ხელნაწერთა ინსტიტუტის ძველი ქართული ფილოლოგიის განყოფილებაში).
ნაშრომი მოიცავს 1963-1971 წლებში გამოცემული "ძველი ქართული აგიოგრაფიული ლიტერატურის ძეგლების" ოთხი ტომის მასალას.
"სიმფონია-ლექსიკონი" შედგენილია ქართულ ლექსიკოლოგიაში მიღებული პრინციპების გათვალისწინებით: სახელები დალაგებულია ბრუნვათა რიგისა და რიცხვის მიხედვით, ზმნა – მწკრივის, პირისა და რიცხვის მიხედვით; მითითებულია პირთა რაოდენობა, გვარი, ქცევა. მოცემულია სალექსიკონო ერთეულთა ძირები.
II ნაკვეთი, რომელიც მოიცავს ლექსიკურ მასალას ასო მ-ანიდან რ-ანამდე, გამოსაცემად მოამზადეს : ლიანა ახობაძემ, ნარგიზა გოგუაძემ, მანანა კვაჭაძემ და ნინო ნატრაძემ. |
|
ქართულად თარგმნილი უცხოური ჰომილეტიკური ლიტერატურის კატალოგი ავტორი: მანანა მაისურაძე გამოშვების თარიღი: 2006 ფასი: 2,5 ლარი |
|
ნაშრომში წარმოდგენილია ქართულ ენაზე თარგმნილი ჰომილეტიკური თხზულებები, რომელთა ავტორები ქრისტიანული სამყაროს სხვადასხვა ეპოქის მოღვაწენი არიან.
შეძლებისდაგვარად თავმოყრილია ყველა ფონდის ქართულ ხელნაწერთა გამოქვეყნებულ თუ გამოუქვეყნებელ აღწერილობებში დადასტურებული მასალა. ძირითადად გათვალისწინებულია უძველესი პერიოდიდან დაწყებული XVI საუკუნის ჩათვლით ხელნაწერთა ჩვენებები (გვიანდელ ნუსხათა მონაცემები ამა თუ იმ თხზულების შედარებით ადრეული ხელნაწერით არმოღწევის შემთხვევაშია წარმოდგენიალი).
ნაშრომი მიზნად ისახავს აღნიშნული უმდიდრესი მასალის სისტემატიზაციას, მისი ახალი მონაცემებით შევსებას, ასევე ქართველ და უცხოელ მეცნიერთა ამ მიმართულებით ჩატარებული კვლევის შედეგების წარმოჩენას. მას საფუძვლად უდევს აკადემიკოს კორნელი კეკელიძის ფუნდამენტური შრომები. |
|
თხზულებანი (ტომი I) ავტორი: იონა მეუნარგია გამოშვების თარიღი: ფასი: 20 ლარი |
|
გამომცემლობა "არტანუჯი" იწყებს იონა მეუნარგიას შემოქმედებითი მემკვიდრეობის გამოქვეყნებას განახლებული სამეცნიერო აპარატით _ შენიშვნებითა და კომენტარებით. იონა მეუნარგიას თხზულებათა პირველი ტომის გმირებს ერთი გამორჩეული თარიღი ამთლიანებს: 1832 წლის შეთქმულება, რომელმაც განაპირობა მათი ცხოვრების გზა, შემოქმედება და ფასეულობები. ალექსანდრე ჭავჭავაძე, გრიგოლ ორბელიანი, ნიკოლოზ ბარათაშვილი და გიორგი ერისთავი განასახიერებენ მეცხრამეტე საუკუნის რთულსა და წინააღმდეგობრივ საქართველოს _ დაპყრობილი, მაგრამ გაუტეხელი ერის სულისკვეთებას. ამავე ტომში პირველად ქვეყნდება იონა მეუნარგიას "ავტობიოგრაფია", რომელიც მწერალმა გარდაცვალებამდე ორი წლით ადრე დაწერა. წიგნს ერთვის როსტომ ჩხეიძის წინასიტყვა _ "ბიოგრაფოსის ხვედრი და ვალი", სადაც თვალსაჩინოდაა მოცემული იონა მეუნარგიას პორტრეტი და მისი შემოქმედების მნიშვნელობა ქვეყნისათვის. |
|
პატრიარქი - ერის სულიერი მამა ავტორი: როინ მეტრეველი გამოშვების თარიღი: ფასი: 10 ლარი |
|
წიგნში ავტორი მიმოიხილავს ქართველი პატრიარქების მოღვაწეობას, საქართველოს პატრიარქის – ილია II-ის ღვაწლს, საუბრობს მის დამოკიდებულებაზე სახელმწიფოებრიობისადმი, კულტურის, მეცნიერებისა და განათლებისადმი, საერთაშორისო მასშტაბით მის საქმიანობაზე, ქართული საგალობლების აღდგენა-განახლების, საგალობლების შექმნის საქმეში შეტანილი წვლილის შესახებ და სხვ.
წიგნი ილუსტრირებულია, ერთვის ვრცელი რეზიუმე ინგლისურ ენაზე და მაღალი ხარისხის გამოცემათა რიგს მიეკუთვნება. |
|
გელათი - მეორე იერუსალიმი და ახალი ათინა ავტორი: როინ მეტრეველი გამოშვების თარიღი: ფასი: 12 ლარი |
|
წიგნი საიუბილეოდ, გელათის 900 წლისთავთან დაკავშირებით გამოიცა.
გელათის სასწავლო-სამეცნიერო კომპლექსმა, როგორც პირველ საუნივერსიტეტო ტიპის დაწესებულებამ შეასრულა თავისი ისტორიული მისია – "სხვა ათინად" და "მეორე იერუსალიმად", სიბრძნისა და რწმენის ცენტრად მოევლინა ქვეყანას. როცა გელათის აკადემიის არსებობის შეწყვეტიდან თითქმის ოთხასი წლის შემდეგ დაისვა უნივერსიტეტის დაარსების საკითხი, ივანე ჯავახიშვილმა ამ ახალი ტაძრის გახსნის დღედ 26 იანვარი (ახალი სტილით 8 თებერვალი) დაასახელა. ეს დავით აღმაშენებლის მოხსენიების დღეა. ამით ხაზი გაესვა იმ გარემოებას, რომ თბილისის უნივერსიტეტი მემკვიდრეა ძველი ქართული განათლებისა და კულტურული ტრადიციებისა, მემკვიდრეა გელათის აკადემიისა.
გელათის აკადემიის სიცოცხლე განახლდა სრულიად საქართველოს კათოლიკოს-პატრიარქის, უწმიდესისა და უნეტარესის ილია II-ის თაოსნობით 1995 წლის 25 მაისს, როცა შეიქმნა გელათის სამეცნიერო აკადემია.
საიუბილეოდ გამოცემულ წიგნში ავტორი საუბრობს დიდი მეფის – დავით აღმაშენებლის მეფობის პერიოდზე, სამეცნიერო კერის შექმნის, იქ მოღვაწე მეცნიერთა შესახებ. საყურადღებო დეტალებია გამოტანილი სამეცნიერო კერის საერთაშორისო ურთიერთობების თვალსაზრისით.
წიგნი უხვადაა ილუსტრირებული და ერთვის ვრცელი რეზიუმეები ინგლისურ და რუსულ ენებზე. |
|
150 ავტორი: მოსე ჯანაშვილი გამოშვების თარიღი: ფასი: 3 ლარი |
|
დიდი ქართველი მოღვაწის მოსე ჯანაშვილის 150 წლის იუბილესადმი მიძღვნილი წიგნი "არტანუჯმა" ჰერეთის სერიით გამოსცა. საიუბილეო თარიღისადმი მიძღვნილი სამეცნიერო კონფერენციის მასალების კრებულში კონფერენციის მონაწილე მეცნიერები (მათ შორის ადგილობრივი მკვლევარებიც არიან) არა მარტო დიდი მამულიშვილის ღვაწლის შესწავლით შემოიფარგლნენ, არამედ კუთხის ისტორიის კვლევის მხრივაც საინტერესოდ წარსდგნენ საზოგადოების წინაშე.
სამეცნიერო კრებულში შესულია: ტარიელ კვიციანის "მოსე ჯანაშვილი (ცხოვრება-მოღვაწეობა)", ასრათ ომარაშვილის "მოსე ჯანაშვილი - ინგილოური დიალექტისა და ტოპონიმიკის მკვლევარი", თემურ ტარტარაშვილის "გიშ-ქურმუხის ეპარქიის ისტორიიდან", მაია ბარიხაშვილის "მოსე ჯანაშვილი და ეთნოგრაფიის საკითხები", ნინო ყულოშვილის "მოსე ჯანაშვილის საზოგადოების" პერიოდული გამოცემა "მოამბე", ემზარ სუყაშვილის "სოფელ ალათემურის (დიდბინა) ისტორია", ნინო მესხაძის "ქურმუხის წმინდა გიორგის ეკლესია", ანა ვაშაკიძის "ზემო ლექართის "ჩახაზული ჯვრის" ტიპის ეკლესია" და ა. შ. |
|
კავკასიური ცივილიზაცია მსოფლიო გლობალიზაციური პროცესების კონტექსტში ავტორი: როინ მეტრეველი გამოშვების თარიღი: ფასი: 3 ლარი |
|
ნარკვევში კავკასიური ცივილიზაცია განხილულია მსოფლიო გლობალიზაციური პროცესების კონტექსტში; ნაჩვენებია, რომ კავკასიას ევრაზიულ სივრცეში განსაკუთრებული ადგილი უკავია; დასმულია ამოცანა, რომ საერთო გლობალიზაციის სისტემაში არ დაიკარგოს კავკასიური ცივილიზაცია, ინტეგრაციის შეუქცევადი პროცესი ისე უნდა წარიმართოს, რომ კულტურული საუნჯეები, რაც ასე უხვად გააჩნია კავკასიელ ხალხებს, გადარჩეს და შევიდეს მსოფლიო საგანძურში. |
|
მკვიდრი უმკვიდრო შევიქენ ავტორი: როინ მეტრეველი, ნიკო ჯადუგიშვილი გამოშვების თარიღი: ფასი: 4,2 ლარი |
|
”მკვიდრი უმკვიდრო შევიქენ” - ესაა ქვეყნის ტრაგიკული ბედით შეძრწუნებული ქართლის მეფის ვახტანგ VI-ის გულდამწვარი ამოკვნესა. პუბლიკაციაშიც ამ დიდი ქართველის მემკვიდრეთა ცხოვრების რთული მოვლენის მასალებია მოცემული. წიგნი საინტერესოა ყველა მკითხველისთვის. |
|
თებერვალი ავტორი: ნიკოლო მიწიშვილი გამოშვების თარიღი: ფასი: 3 ლარი |
|
წიგნი ავტორის დაბადებიდან 110 წლისთავს მიეძღვნა.
”თებერვალი” დოკუმენტურ ლიტერატურას წარმოადგენს და, მწერლის მიერ განცდილ, 1918-1821 წლების მოვლენებს ფაქტობრივი სიზუსტით ასახავს.
წარმოგვიდგენს რა პატრიოტების წინაშე დამდგარ დილემას - ან სამშობლოდან გადახვეწა ან საბჭოთა რუსეთის საოკუპაციო რეჟიმთან შეგუება - ავტორი ფაქტების ფლიქოლოგიური კუთხით დანახვის საშუალებასაც იძლევა. ეს წიგნი მეოცე საუკუნის 20-იანი წლების საქართველოს ისტორიით დაინტერესებული მკითხველისა და პროფესიონალი ისტორიკოსებისათვის ძვირფასი შენაძენი იქნება. |
|
სასაზღვრო ფიქრები ავტორი: ფარნა ჭილაძე გამოშვების თარიღი: ფასი: 3 ლარი |
|
ფაჰრეთინ ჩილოღლუ, იგივე ფარნა ჭილაძე მუჰაჯირ ქართველთა შთამომავალია. კრებულში შესული მოთხრობები თურქულიდან ითარგმნა, მისი პოეზია კი ქართულ ენაზეა შექმნილი. |
|
ქართული ქრონიკა რევოლუციის დროიდან ავტორი: ნიკოლო მიწიშვილი გამოშვების თარიღი: ფასი: 5 ლარი |
|
წიგნი ავტორის დაბადებიდან 110 წლისთავს მიეძღვნა.
წიგნში ცოცხლად და დამაჯერებლად არის ასახული რუსეთის მიერ 1921 წელს საქართველოს ანექსიის შედეგად უცხოეთში გადახვეწილ თანამემამულეთა მძიმე ხვედრი, მათი ყოფა, სულიერი მისწრაფებანი, ერთგულება თავისუფლების უკვდავი იდეისადმი.
წიგნში შესულია მწერლის კიდევ ერთი ნაწარმოები - ”ახალგაზრდობა”. გამოცემა დასურათებულია, თუმცა ილუსტრაციების ავტორთა ვინაობა არ არის დადგენილი - ერთ-ერთი მათგანი, სავარაუდოდ, ლადო გუდიაშვილი უნდა იყოს. |
|
აკაკი წერეთლის გამზრდელი აფხაზურად ავტორი: გამოშვების თარიღი: ფასი: 4 ლარი |
|
წიგნში შესულია აკაკი წერეთლის კლასიკური პოემის, "გამზრდელის", ქართული ტექსტი დიმიტრი გულიას მიერ შესრულებული აფხაზური თარგმანითურთ. ამ თარგმანმა აფხაზი ხალხის დიდი მოწონება დაიმსახურა და ის დღესაც შედის აფხაზური სკოლის პროგრამაში.
ამ წიგნით ეყრება საფუძველი ახალი სერიის – `ქართულ-აფხაზურ ლინგვოკურტულ ურთიერთობათა ისტორიის~ გამოცემას, რომელიც დამხმარე სახელმძღვანელოს ფუნქციას შეასრულებს და უნივერსიტეტების სტუდენტებისთვის იქნება გამიზნული.
წიგნი გამოცემად მოამზადა, წინასიტყვაობა დაურთო და აფხაზურ-ქართული სასწავლო ლექსიკონი შეადგინა თეიმურაზ გვანცელაძემ. |
|
ბათუმიდან ართვინამდე ავტორი: ევგენი ვეიდენბაუმი გამოშვების თარიღი: 2005 ფასი: 3 ლარი |
|
სანკტ-პეტერბურგელი ბუნებისმეტყველისა და ეთნოგრაფის ევგენი ვეიდენბაუმის მოგზაურობა სამხრეთ-დასავლეთ კავკასიაში XIX საუკუნის 70-იან წლებში.
ისტორიული მესხეთის პრობლემატიკა: სამოგზაურო მარშრუტის გეოგრაფია, სოციალური ყოფა, მკვიდრთა ადათ-წესები, ეთნიკური ვითარება, სავაჭრო-ეკონომიკური ურთიერთობები. დანართში ცალ-ცალკეა განხილული გეოგრაფიული სახელები. |
|
კლარჯეთის ეკლესიები და მონასტრები ავტორი: დავით ხოშტარია გამოშვების თარიღი: 2005 ფასი: 9 ლარი |
|
ცნობილი ხელოვნებათმცოდნის დავით ხოშტარიას მონოგრაფიული ნაშრომი მიძღვნილი ისტორიული ქართული პროვინციის კლარჯეთის ხუროთმოძღვრებისადმი. თურქეთის რესპუბლიკის ტერიტორიაზე მოქცეული ქართული არქიტექტურული ძეგლების თავგადასავალი უძველესი დროიდან მოყოლებული ვიდრე ოცდამეერთე საუკუნემდე: ციხე-ქალაქი თუხარისი - პირველი ადმინისტრაციულ-პოლიტიკური ცენტრი კლარჯეთისა; ვახტანგ გორგასლის სააღმშენებლო საქმიანობა - ციხე-ქალაქ არტანუჯისა და ოპიზის მონასტრის დაარსება; არაბობა კლარჯეთში და საეკლესიო ცხოვრების დამცრობა; წმ. გრიგოლ ხანძთელის სამონასტრო აღმშენებლობა და ახალი სასულიერო ცენტრების წარმოქმნა; სახელოვანი ”ათორმეტნი უდაბნონი კლარჯეთისანი” - ხანძთა, ოპიზა, დოლისყანა, შატბერდი, ჯმერკი, დაბა, ბერთა, პარეხი, მიძნაძორი, წყაროსთავი, მერე და ბარეთელთა; კლარჯეთის გუმბათოვანი და უგუმბათო ძეგლების არქიტექტურული თავისებურებანი; სამი ტაძარი კლარჯეთის მეზობელი შავშეთიდან - ტბეთი, სინკოთი და სათლე.
წიგნს დართული აქვს ორმოცდაათზე მეტი შავ-თეთი ფოტო და რამდენიმა ათეული გრაფიკული ნახაზი (გეგმა, ჭრილი და ა.შ.). ახლავს სრული ბიბლიოგრაფიული ნუსხა და საკუთარ სახელთა საძიებელი. |
|
იერუსალიმის ჯვრის მონასტრის მიწათმფლობელობა საქართველოში ავტორი: ნიკო ხუციშვილი გამოშვების თარიღი: 2006 ფასი: 3 ლარი |
|
ნაშრომი არის ცდა, აღინუსხოს ის ყმა-მამული, რომელიც ეკუთვნოდა იერუსალიმის მონასტრებს საქართველოში; შესწავლილ იქნას ამ მიწათმფლობელობის წარმოქმნისა და განვითარების ქრონოლოგია, ისტორია და მართვის ორგანიზაციის ძირითადი საკითხები; დადგინდეს საქართველოში იერუსალიმის ყმა-მამულის მმართველების, ჯვარის მამების რიგი XVII-XIX საუკუნეებში. ამ კონკრეტული საკითხების ფონზე უკეთ იკვეთება ზოგადად საკუთრების დიფერენციაციის პრობლემა იერუსალიმის ქართულ მონასტრებსა და იერუსალიმის საპატრიარქოს შორის XI-XVII საუკუნეებში. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|