|
ყველა
"პალიტრა L"
ქარჩხაძის გამომცემლობა
ბაკურ სულაკაურის გამომცემლობა
"არტანუჯი"
"დიოგენე"
ელფის გამომცემლობა
|
|
ლომი და თაგვი ავტორი: გამოშვების თარიღი: 2010 ფასი: 5 ლარი |
|
იცოდი, რომ თურმე პატარა თაგვსაც შესძლებია ცხოველთა მეფის – დიდი და ძლიერი ლომის დახმარება?
ამის შესახებ სწორედ ამ იგავ–არაკიდან შეიტყობ.
წაიკითხე იგავი, აქვე საინტერესო თავსატეხებსაც ნახავ და კარგადაც გაერთობი.
საინტერესო, მარტივი ტექსტები და სახალისო ილუსტრაციები ბავშვის ყურადღებას მიიპყრობს და "აიძულებს" მას, მეტი წიგნი წაიკითხოს. |
|
ჭრიჭინა და ჭიანჭველა ავტორი: გამოშვების თარიღი: 2010 ფასი: 5 ლარი |
|
უდარდელმა ჭრიჭინამ მთელი ზაფხული სიმღერასა და ცეკვაში გაატარა. არადა მალე ზამთარი მოვა, ჭრიჭინას კი ერთი მარცვალი საკვებიც არ მოუმარაგებია.
გინდა გაიგო, ვინ დააპურებს ჭრიჭნას ცივ ზამთარში?
წაიკითხე ეს იგავი. აქვე საინტერესო თავსატეხებსაც ნახავ და კარგადაც გაერთობი.
საინტერესო, მარტივი ტექსტები და სახალისო ილუსტრაციები ბავშვის ყურადღებას მიიპყრობს და "აიძულებს" მას, მეტი წიგნი წაიკითხოს. |
|
ძილი ნებისა, ტოპო - ტიპ ! ავტორი: გამოშვების თარიღი: 2010 ფასი: 19 ლარი |
|
იცით, ტოპო-ტიპმა რამდენი რამე ისწავლა?
მშობლებს ეხმარება და არც მეგობრებს ტოვებს გასაჭირში.
თამაშიც ძალიან უყვარს და ფაფებსაც გემრიელად მიირთმევს.
მოისმინე ძილის წინ პატარა თაგუნას თავგადასავლები და ტკბილად დაგეძინება.
თან ფერად სიზმრებსაც ნახავ...
ძილი ნებისა! |
|
ტოპო–ტიპი დაიკოს უვლის ავტორი: გამოშვების თარიღი: 2010 ფასი: 9 ლარი |
|
ტოპო–ტიპს ძალიან უყვარს უმცროს დაიკოსთან თამაში, მაგრამ პატარას ჯერ კიდევ საფენი უკეთია, რაც და–ძმას ხშირად უშლის ხელს გართობაში. დროა, ტოპო–ტიპი, როგორც უფროსი და ჭკვიანი ძამიკო, დედას არა მარტო დაიკოს გართობაში, აღზრდაშიც დაეხმაროს და პატარას ქოთანზე ჯდომა ასწავლოს.
ზუსტად ისე, როგორც თავად ისწავლა ... და ეს სულაც არაა ძნელი. |
|
ილუსტრირებული მსოფლიო კლასიკა ბავშვებისათვის ავტორი: გამოშვების თარიღი: 2010 ფასი: 19.9 ლარი |
|
მსოფლიო საბავშვო კლასიკის ილუსტრირებული გამოცემა დამწყები მკითხველებისთვის პირველი ნაბიჯია მსოფლიო ლიტერატურის სამყაროში... |
|
ტოლინები ავტორი: კონ იგულდენი გამოშვების თარიღი: 2010 ფასი: 24.9 ლარი |
|
როდისმე გინახავს ტოლინი? თუმცა, თუ ცისფერი სათვალე არ გაქვს, ტოლინს ვერაფრით დაინახავ. ტოლინები ფერიები არ გეგონოს. მართალია, ამათაც და იმათაც ფრთები აქვთ, მაგრამ ფერიები სუსტები არიან და ტოლინები მათ ხშირად იბრიყვებენ. თუმცა, არც ტოლინებს ადგათ კარგი დღე – ცისფერი სათვალით შეიარაღებული ადამიანები მათ შუშხუნებში ტენიან და აფეთქებენ... რომ არა გონიერი ტოლინი ბენგა, აქამდე ამ ონავართა სახსენებელიც არ იქნებოდა. ეს წიგნი სწორედ ბენგას სამი გმირობის ამბავს მოგვითხრობს. |
|
შინ წასვლის დროა, ჩემო ბაჭიავ! ავტორი: ემილი ჰოუკინსი გამოშვების თარიღი: 2010 ფასი: 19.9 ლარი |
|
მ წიგნში მოთხრობილია, როგორ დაუღამდა ტყეში ბაჭიას, რომელსაც სიბნელისა ეშინოდა; როგორ გაიცნო ტყის ბინადარი ცხოველები და როგორ მიხვდა, რომ ღამე სულაც არაა საშიში, მაგრამ ჯობია, ღამით შინ გეძინოს, მეგობრებთან თამაშს კი დღისითაც მოასწრებ.
წაუკითხეთ ძილის წინ თქვენს პატარას ბაჭიას ამბავი, დაათვალიერებინეთ მოძრავი ილუსტრაციები და უსურვეთ ტბილი ძილი. |
|
დედა, მამა, რვა ბავშვი და საბარგო მანქანა ავტორი: ანე-კატარინე ვესტლი გამოშვების თარიღი: 2010 ფასი: 12.9 ლარი |
|
"იყო და არა იყო რა, ერთი დიდი, ძალიან დიდი ოჯახი: დედა, მამა და მათი რვა შვილი. ბავშვებს ერქვათ: მარენი, მარტინი, მარტა, მადსი, მონა, მილი, მინა და წრიპა მორტენი.." – ასე იწყება ამბავი ერთი მხიარული ოჯახისა, რომელიც ნორვეგიის ერთი უშველებელი ქალაქის ცენტრში, ქვითკირის მაღალი სახლის ერთ ციცქნა ბინაში ცხოვრობს.
ნორვეგიელმა საბავშვო მწერალმა ქალმა, ანე–კატარინე ვესტლიმ, რომელსაც თანამემამულეები "მთელი ნორვეგიის ბებიას" უწოდებენ, წიგნების მთელი სერია შექმნა ღარიბ, მაგრამ ძალიან კეთილსა და ხალისიან ოჯახზე.
"დედა, მამა, რვა ბავშვი და საბარგო მანქანა" ამ სერიის პირველი წიგნია. |
|
დეტექტივი კალე ბლუმკვისტი რისკზე მიდის ავტორი: ასტრიდ ლინდგრენი გამოშვების თარიღი: 2010 ფასი: 11.9 ლარი |
|
ბაკურ სულაკაურის გამომცელობა კალე ბლუმკვისტის თავგადასავლის მეორე წიგნის განახლებულ, შევსებულ გამოცემას გთავაზობთ.
14 წლის კალე ბლუმკვისტი მოწოდებით დეტექტივია, მაგრამ, სამწუხაროდ, არც ბანდიტებით სავსე ჩიკაგოში ცხოვრობს და არც ლონდონის ჯურღმულებში... ის მშობლებთან ერთად შვედეთის ერთი პატარა, ერთფეროვანი და მოსაწყენი ქალაქის მკვიდრია, რომელსაც სულ ორი ქუჩა და ერთი პატარა მოედანი აქვს.
შესაძლოა გეგონოს, აბა, ასეთ პატარა და მიყრუებულ ადგილას საინტერესო რა უნდა მოხდესო. სხვათა შორის, ამ ქალაქის მცხოვრებლებსაც ასე ეგონათ მანამ... სანამ აქ საზარელი მკვლელობა არ მოხდა.
ჰოდა სწორედ აქ იწყება ნამდვილი თავგადასავალი. მკვლელობის საქმე დეტექტივ კალე ბლუმკვისტს აჰყავს პირად კონტროლზე, თუმცა გამოძიება გასაიდუმლოებულია და პოლიციის ძიების პარალელურად მიმდინარეობს. მიჰყევი ძიების კვალს და მიადევნე თვალი, როგორ იპოვის ნამდვილ დამნაშავეს 14 წლის დეტექტივი. |
|
დეტექტივი კალე ბლუმკვისტი ავტორი: ასტრიდ ლინდგრენი გამოშვების თარიღი: 2010 ფასი: 11.9 ლარი |
|
ბაკურ სულაკაურის გამომცელობა კალე ბლუმკვისტის თავგადასავლის პირველი წიგნის განახლებულ, შევსებულ გამოცემას გთავაზობთ.
13 წლის კალე ბლუმკვისტი მოწოდებით დეტექტივია, მაგრამ, სამწუხაროდ, არც ბანდიტებით სავსე ჩიკაგოში ცხოვრობს და არც ლონდონის ჯურღმულებში... ის მშობლებთან ერთად შვედეთის ერთი პატარა, ერთფეროვანი და მოსაწყენი ქალაქის მკვიდრია, რომელსაც სულ ორი ქუჩა და ერთი პატარა მოედანი აქვს.
კალესა და მის უახლოეს მეგობრებს, ანდერსსა და ევა-ლოტას, ”თეთრი ვარდების” სახელით შტაბი მოუწყვიათ და ”ალისფერ ვარდებთან” თავდაუზოგავად ომით ირთობენ თავს. ეს ნამდვილი ომი არ გეგონოს – საზაფხულო არდადეგებზე ერთი ჩვეულებრივი გასართობია.
ნამდვილი თავგადასავალი მაშინ იწყება, როცა ქალაქს ძია ეინარი ეწვევა. დეტექტივ კალე ბლუმკვისტის მახვილი თვალი უმალვე ამჩნევს ძია ეინარის ავ ზრახვებსა და საეჭვო ქცევას, მაგრამ პატარა ბიჭს ვინ დაუჯერებს?! ამიტომაც კალე ფარულ გამოძიებას იწყებს. მიჰყევი ძიების კვალს და ნახავ, როგორ ამხელს საშიშ დამნაშავეს 13 წლის დეტექტივი. |
|
ჩარლი და შოკოლადის ქარხანა ავტორი: როალდ დალი გამოშვების თარიღი: 2010 ფასი: 8 ლარი |
|
იცი სად მზადდება მსოფლიოში ყველაზე უცნაური და საუკეთესო შოკოლადი? ჩვეულებრივი, თხილიანი ან რძიანი კი არა, საოცარი, უგემრიელესი, უმშვენიერესი ფილები, მარადიული კანფეტები, ოთხკუთხა ტკბილეული, მრგვალი რომ გეჩვენება და უამრავი ჯადოსნური რამ...
სად და მისტერ ვილი ვონკას შოკოლადის ქარხანაში – იქ, სადაც მისტერ ვილი ვონკა და მხიარული უუმპა–ლუმპები ათას რამეს იგონებენ ბავშვების გულის გასახარად. ყველა გამოგონება თავისი თვალით ნახეს ერთმა პატარა, გამხდარმა და ძალიან ღარიბმა ბიჭმა, ჩარლი ბაკეტმა და ვილი ვონკას მომგებიანი ბილეთების კიდევ ოთხმა იღბლიანმა მფლობელმა.
შეუერთდი მათ, იმოგზაურე ვილი ვონკას შოკოლადის ქარხანაში და გასაოცარ ამბებს შეიტყობ. |
|
პინოკიოს თავგადასავალი ავტორი: კარლო კოლოდი გამოშვების თარიღი: 2010 ფასი: 39 ლარი |
|
როგორც ყველა პატარა ონავარი ბიჭი, პინოკიოც ძალიან ცელქია, უყვარს მეგობრებთან ერთად გართობა, სეირნობა; ეზარება სწავლა და სკოლაში სიარული. სხვა ჩვეულებრივი ბიჭებივით ისიც იმას აკეთებს, რაც სიამოვნებს, მაგრამ პინოკიო ჩვეულებრივი ბიჭი არ არის. სინამდვილეში ის საერთოდ არ არის ბიჭი, ჯადოსნური ხის ტოტისგან გამოთლილი თოჯინაა, ძალიან ცელქი და გაუგონარი, და თავისი ურჩობის წყალობით სულ ხიფათშია გახვეული: ხან ფეხები ეწვის ცეცხლში, ხან ხეზე კიდებენ და ხანაც ზღვის ურჩხული ყლაპავს. საბოლოოდ, ნამდვილ ბიჭუნად გადაქცევის სურვილით შეპყრობილი, პირობას დებს, რომ აღარასოდეს მოიქცევა ცუდად. მაგრამ გვიან ხომ არ არის?! ან შეძლებს კი პირობის შესრულებას?!
მხატვარი რობერტო ინოჩეტი მკითხველს კარლო კოლოდის ამ ყველასათვის ცნობილი და საყვარელი ზღაპრის დახვეწილ, გამაოგნებელ ილუსტრაციებს სთავაზობს. |
|
ჩემი პირველი ქართული ზღაპრები ავტორი: გამოშვების თარიღი: 2010 ფასი: 29 ლარი |
|
ჩემი პირველი ქართული ზღაპრების წიგნში შესულია სხვადასხვა ეპოქაში შექმნილი საუკეთესო ქართული ხალხური ზღაპრები. სკოლამდელი ასაკის ბავშვებისათვის მოკლედ, გასაგები ენით დაწერილი, საუცხოო ილუსტრაციებით გაფორმებული ეს ზღაპრები თქვენი შვილის პირველ საყვარელ საკითხავ წიგნად იქცევა.
ამ სერიით გამოდის: ჩემი პირველი ზღაპრების წითელი წიგნი
ჩემი პირველი ზღაპრების ცისფერი წიგნი
ჩემი პირველი ცისფერის წიგნი
ჩემი პირველი ქართული ზღაპრები |
|
შერლოკ ჰოლმსის თავგადასავალი ავტორი: არტურ კონან დოილი გამოშვების თარიღი: 2010 ფასი: 6 ლარი |
|
შერლოკ ჰოლმსი – არტურ კონან დოილის მიერ შექმნილი ლიტერატურული პერსონაჟი – დღემდე უდიდესი პოპულარობით სარგებლობს დეტექტიური ჟანრის მოყვარულ ნებისმიერი ასაკის მკითხველებში. კონან დოილმა 4 რომანი და 56 მოთხრობა დაწერა შერლოკ ჰოლმსზე და ყველა მათგანი დეტექტიური ჟანრის კლასიკად იქცა. განსაკუთრებით ჩახლართული დანაშაულის გამოიძიების დეტალებს ჰოლმსის მუდმივი თანამგზავრი, ექიმი უოტსონი გვიამბობს. თუმცა გამოძიების ბოლომდე არც მას და არც მკითხველს არ ესმის, როგორ ხსნის დეტექტივი ყველაზე ჩახლართულ დანაშაულს, სანამ ამბის დასასრულს თავად ჰოლმსი არ ”განგვიმარტავს” თავისი ”დედუქციური მეთოდის” საიდუმლოს.
ამ კრებულში ორი მოთხრობა შედის: ”ალისფერი კვალი” და ”ბასკერვილების ძაღლი”. ”ალისფერი კვალი” კონან დოილის პირველი მოთხრობაა და პირველად 1887 წელს დაიბეჭდა. |
|
ბინდი ავტორი: სტეფანი მეიერი გამოშვების თარიღი: 2010 ფასი: 6 ლარი |
|
სტეფანი მეიერის "ბინდი" ფენტეზის ჟანრის თანამედროვე ბესტსელერია, რომელმაც გამოცემისთანავე დაიპყრო თანამედროვე ახალგაზრდების გულები. ოთხი სრული და ერთი დაუმთავრებელი ნაწილისგან შემდგარი საგა XIX საუკუნიდან გადმოსული მომხიბლავი ვამპირისა და XXI საუკუნის თინეიჯერი გოგონას ამაღელვებელ სიყვარულზე მოგვითხრობს.
საგის პოპულარობა კიდევ უფრო გაზარდა 2008 წელს ჰოლივუდში გადაღებულმა ამავე სახელწოდების ფილმმა, რომელმაც კინოგაქირავებაში საოცარ წარმატებას მიაღწია. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|