|
ყველა
"პალიტრა L"
ქარჩხაძის გამომცემლობა
ბაკურ სულაკაურის გამომცემლობა
"არტანუჯი"
"დიოგენე"
ელფის გამომცემლობა
|
|
აი, ია ავტორი: სონია ელიაშვილი გამოშვების თარიღი: 2011 ფასი: 11.9 ლარი |
|
ეზოში მეგობრები შეკრებილან: ია, ირინა და ოთარი. თამშობენ, თუმცა არც ისე მხიარულად, რადგან ია პატარაა და უფროსი მეგობრებივით მარდად თამაშს ვერ ახერხებს. ვერც კალატაში აგდებს ბურთს და არც დაჭერობანას თამაში გამოსდის; აი, ძაღლის გასეირნება კი ისე მთავრდება, რომ ია საბოლოოდ იბუტება: "მორჩა! აღარ გეთამაშებით!"
თუმცა მოითმინეთ! სულ მალე ირინა და ოთარი გამოუვალ მდგომარეობაში აღმოჩნდებიან და მიხვდებიან, რომ იას დახმარება აუცილებელია და რომ მის გარეშე, ვერაფერს შეძლებენ.
ამ ყველაფერს და იმასაც, რა მოხდა მერე, გაიგებ, თუ ირინას, ოთარისა და იას ამბავს გულდასმით წაიკითხავ. |
|
ალადინი (სამგანზომილებიანი, ხმოვანი წიგნი) ავტორი: გამოშვების თარიღი: 2012 ფასი: 29 ლარი |
|
გაჰყევი ალადინს, იპოვე ჯადოსნური ლამპარი, იმოგზაურე საოცარი მფრინავი ხალიჩით და შეებრძოლე ბოროტ ჯადოსანს.პოლ ჰესის შესანიშნავი ილუსტრაციებით გაფორმებული, საოცარი სამგანზომილებიანი ხმოვანი წიგნი ყველასთვის ცნობილ და საყვარელ აღმოსავლურ ზღაპარს შენ თვალწინ გააცოცხლებს. |
|
ძმები გრიმების ზღაპრები ავტორი: გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან.
ძმები გრიმების მიერ მოთხრობილი გერმანული ხალხური ზღაპრები ყველა ბავშვისთვის ნაცნობი და საყვარელი საკითხავია.
შენ, ალბათ, იცნობ ჩექმებიან კატასა და ბრემენელ მუსიკოსებს, გულად თერძსა და საზრიან გრეტელს; შეიძლება ოქროს თევზისა და ჩიტბატონას ამბავიც გაგიგია... მაგრამ ის თუ იცი, რა გადახდა თავს შიშის სასწავლად გამგზავრებულ ბიჭს, ან ვინ იყვნენ პირითოვლისა და პირივარდისა?..
ამ კრებულში კიდევ ერთხელ შეხვდებით ძმები გრიმების სასაცილო, ჭკვიან, ზარმაც თუ მოხერხებულ გმირებს. |
|
ჩემი პირველი ქართული ზღაპრები ავტორი: გამოშვების თარიღი: 2011 ფასი: 9.9 ლარი |
|
წაუკითხეთ თქვენს პატარას მოკლედ და ბავშვებისათვის გასაგები ენით დაწერილი ყველაზე ცნობილი ხალხური ზღაპრები და ეს კრებული თქვენი შვილის პირველ საყვარელ საკითხავ წიგნად იქცევა! |
|
ზოლემია ავტორი: სოფო კირთაძე გამოშვების თარიღი: 2011 ფასი: 14.9 ლარი |
|
ზოლემია, მამა ზებრას უცნაურ თავგადასავალზე გიამბობთ, ერთ მშვენიერ დღეს ის უცნაურ რამეს აღმოაჩენს, თურმე მისი სხეულიდან შავ ზოლებს გაქრობა დაუწყია. მამა ზებრა შეშფოთებლია, არ იცის რა მოიმოქმედოს, ეშინია და რცხვენია...
წაუკითხეთ პატარებს და მათთან ერთად ისიამოვნეთ ამ სახალისო ზღაპარით და გაიგეთ როგორ დასრულდება მამა ზებრას უჩვეულო თავგადასავალი.
წიგნში გამოყენებული არაჩვეულებრივი ილუსტრაციები ტექსტის ავტორს, ახალგაზრდა ქართველ მხატვარ–ილუსტრატორს, სოფო კირთაძეს ეკუთვნის. |
|
მოგზაურობა სიზმარეთში ავტორი: დავით ზურაბიშვილი გამოშვების თარიღი: 2011 ფასი: 11.9 ლარი |
|
გიორგი და ანასტასია წითელი აგურის პატარა, კოხტა სახლში ცხოვრობენ. ძალიან უყვართ ზღაპრები, განსაკუთრებით ჯადოქრებზე, ურჩხულებსა და პრინცესებზე. ხშირად დაქრიან ოთახებში სათამაშო ხმლებით, სახაზავებით, საბერტყი ჯოხებით და ეომებიან წარმოსახვით "ბოროტებს". ხან ჩხუბობენ კიდეც და უფროსებსაც აბრაზებენ. ერთი სიტყვით, ჩვეულებრივი ბავშვები არიან...
ერთ დღესაც ამ ონავარ ბავშვებს ფერია გამოეცხადებათ და საოცარი ქვეყნის, სიზმარეთის შესახებ უამბობს... ამ ქვეყანაში თურმე ჯადოქრები, ჭინკები, ქაჯები, მაქციები, ვამპირები და სხვა უცნაური არსებები ბინადრობენ. მათ შორის ყველაზე საშიში იდუმალ-ავბედითი ქვეყნის, შავეთის იმპერატორი საურ-მაგია, რომელსაც განუზრახავს, სრულიად სიზმარეთის იმპერატორი გახდეს და ყველგან წყვდიადის მეუფება დაამყაროს, მერე კი დედამიწასაც შემოუტიოს და მთელ მსოფლიოს დაეპატრონოს. ბავშვებს ზუსტად სამი დღე და სამი ღამე აქვთ ჯადოსნური სიზმარეთისა და დედამიწის გადასარჩენად. |
|
ახალგაზრდა შერლოკ ჰოლმსი – სიკვდილის ღრუბელი ავტორი: ენდრიუ ლეინი გამოშვების თარიღი: 2011 ფასი: 7.9 ლარი |
|
შერლოკ ჰოლმსი – ამ სახელის გაგონებისას უთუოდ წარმოგიდგებათ ლაბადამოსხმული ახოვანი მამაკაცი ინგლისური ქუდითა და პირში ჩიბუხით. ართურ კონან დოილმა შერლოკ ჰოლმსის შესახებ 56 მოთხრობა და 4 რომანი დაწერა. პირველ მოთხრობაში ჰოლმსი 33 წლისაა, უკვე დეტექტივი, ჩამოყალიბებული უნარ-ჩვევების მქონე, ბოლო მოთხრობაში – დაახლოებით სამოცისა, საგამომძიებლო საქმეს აღარ ეწევა და სასექსის სანაპიროზე ფუტკრები ჰყავს მოშენებული. თანამედროვე ინგლისელმა მწერალმა, ენდრიუ ლეინმა კი შექმნა მთელი სერია წიგნებისა, რომლებშიც მოთხრობილია, როგორი იყო შერლოკ ჰოლმსი მანამ, სანამ ართურ კონან დოილი გააცნობდა მას მსოფლიოს; რომელ სკოლაში დადიოდა; ვინ იყვნენ მისი მეგობრები; სად და როდის ისწავლა ის ყველაფერი, რასაც მოგვიანებით ავლენდა – ლოგიკური აზროვნება, კრივი, ფარიკაობა, ვიოლინოზე დაკვრა; როდის იმოგზაურა უცხოეთში; რის ეშინოდა და ვინ უყვარდა... "სიკვდილის ღრუბელი" მსოფლიოში ყველაზე ცნობილი დეტექტივის პირველი "საქმეა", რომლის გახსნასაც 14 წლის შერლოკ ჰოლმსი თავის თანატოლ ბიჭთან, მეთიუ არნეტთან ერთად ცდილობს. |
|
ალისა საოცრებათა ქვეყანაში ავტორი: ლუის კეროლი გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან.
წყლის პირას დასთან ერთად უსაქმოდ ჯდომით მოქანცულ ალისას ძილი მოერია... და უცებ ცხვირწინ თეთრმა თვალწითელა ბოცვერმა ჩაუქროლა.
განა ჟილეტში გამოპრანჭულ ბოცვერს თქვენ არ დაედევნებოდით?! ალისაც დაედევნა და უცნაური თავგადასავალიც დაიწყო. ის, რაც წესით უჩვეულო უნდა ყოფილიყო, ჩვეულებრივ მოვლენად იქცა – ალისამ დაუჯერებელი რამეები ჩაიდინა: ესაუბრა წრუწუნას, ითამაშა ბანქოს მეფე-დედოფალთან, წამში გაიზარდა და წამშივე დაპატარავდა...
გაჰყევით წითელთვალება კურდღელს დადევნებულ პატარა გოგონას საოცრებათა ქვეყანაში და ის ამბები, რაც ალისას გადახდა, არასოდეს დაგავიწყდებათ. |
|
მიო, ჩემო მიო ავტორი: ასტრიდ ლინდგრენი გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან.
ეს არის ასტრიდ ლინდგრენის უმშვენიერესი ზღაპარი პატარა ბიჭზე. მისი სახელია ბოსე, სტოკჰოლმის ერთ პატარა ქუჩაზე ცხოვრობს და ჰგონია, რომ არავის უყვარს...
ბიჭი მოულოდნელად აღმოაჩენს, რომ სინამდვილეში შორეული ქვეყნის უფლისწულია, ბოსე კი არა, მიო ჰქვია და ბავშვების გადასარჩენად სასტიკ მხედარ კიტოს უნდა შეებრძოლოს...
წაიკითხეთ ეს საოცარი თავგადასავალი და შეიყვარეთ მამაცი და კეთილი მიო! |
|
პიტერ პენი ავტორი: ჯეიმს მეთიუ ბარი გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან.
თუ ფანჯარასთან დაყრილ ფოთლებს შეამჩნევ, ესე იგი, ღამით შენს ოთახში პიტერ პენი იყო – საოცარი ბიჭუნა, საოცარი იმიტომ, რომ თავისი ასაკი არ იცის... იმიტომ, რომ გაზრდა არ უნდა და კიდევ ძალიან ბევრი რამის გამო...
ერთხელ ეს საოცარი ბიჭუნა დარლინგების სახლს ესტუმრა, თანაც მარტო კი არა, თავის განუყრელ მეგობართან – ძინთან ერთად. პატარა ვენდი დარლინგი ვერასდროს წარმოიდგენდა, რომ ოდესმე ასეთი უცნაური ბიჭი მიფრინდებოდა მის საწოლთან; რომ ამ ბიჭთან ერთად კუნძულს მოინახულებდა... რომელ კუნძულს? როგორ გაჰყვა? რომელი გზით ან როგორ წავიდნენ? იქ ვინ ნახეს და რა გადახდათ? – ამ ყველაფერს შეიტყობ, თუ პიტერ პენსა და ვენდის უცნაურ კუნძულზე გაჰყვები. |
|
ჩიპოლინო ავტორი: ჯანი როდარი გამოშვების თარიღი: 2011 ფასი: 6 ლარი |
|
ახალი სერია "მსოფლიო ლიტერატურის შედევრები ბავშვებისთვის" გაგრძელებაა სერიისა "მსოფლიო ლიტერატურის შედევრები მოზარდებისთვის", ამჯერად მსოფლიო ლიტერატურის შესანიშნავი ნიმუშებით უფრო პატარები დასაჩუქრდებიან.
იტალიელი მწერლის, ჰანს ქრისტიან ანდერსენის პრემიის ლაურეატის, ჯანი როდარის (1920-1980) შედევრი ქართველ მკითხველს ახალი თარგმანით უბრუნდება: "ჩიპოლინოს თავგადასავალი" კვლავ გაგაოცებთ ხასიათების მრავალფეროვნებით, ლაღი იუმორითა და ზომიერი ირონიით. ჯანი როდარიმ გამოიგონა ხილ-ბოსტნეულის სამყარო, რომლის მცხოვრებლები სახელებითაც გამოხატავენ თავიანთ ზნესა და ქცევას.
სოციალური რეალობა და ფანტაზია განუმეორებელი იუმორით ერთიანდება, ასე წყდება მრავალი ურთულესი პრობლემა, მაგალითად, სხვადასხვა და თითქოს შეუთავსებელ პერსონაჟთა მეგობრობა და ურთიერთმხარდაჭერა. |
|
ურჩხულო, ნუ შემჭამ! ავტორი: კარლ ნორაკი, კარლ კნუტი გამოშვების თარიღი: 2010 ფასი: 9.9 ლარი |
|
ათასგვარი ნუგბარის ხრამუნი მართლაც დიდებულია, მაგრამ თუ საზარელი ურჩხულისთვის თავად გახდები გემრიელი საკბილო, ეს უკვე ძალიან ცუდია...
უჰ, კიდევ კარგი, ურჩხულსაც ჰყავს დედა, რომელიც მსუნაგობისთვის ტუქსავს მას!.. |
|
ალისა საოცრებათა ქვეყანაში ავტორი: ლუის კეროლი გამოშვების თარიღი: 2010 ფასი: 19.9 ლარი |
|
ერთ მშვენიერ დღეს წიგნში თავჩარგულ პატარა ალისას წინ თეთრი კურდღელი გადაურბენს და სწორედ ამის შემდეგ იწყება ნამდვილი თავგადასავალი საოცრებათა ქვეყანაში, სადაც ყველაფერი, რაც შენთვის შეუძლებელია და წარმოუდგენელია, ჩვეულებრივი მოვლენაა.
ამ გამოცემისთვის წიგნი სპეციალურად შემოკლდა და გამარტივდა, რათა უკეთ გაიცნო ალისას საოცრებათა სამყარო და ნაწარმოების სრული ვერსიის წაკითხვა მოგინდეს – ინგლისელი მწერლის, ლუის კეროლის მიერ 100–ზე მეტი წლის წინ დაწერილი "ალისა საოცრებათა ქვეყანაში" ხომ მსოფლიო შედევრად მიიჩნევა და შესულია იმ წიგნთა რიცხვში, რომელიც ყველა განათლებულმა ადამიანმა ცხოვრებაში ერთხელ მაინც უნდა წაიკითხოს. |
|
ბებო, გვიამბე რამე (ზღაპრები გარეულ ცხოველებზე) ავტორი: გამოშვების თარიღი: 2011 ფასი: 20.9 ლარი |
|
წაუკითხეთ თქვენს პატარებს ლიკლიკა ჟირაფის, პატარა ნიანგის, ცელქმაცუნა შიმპანზეს, მამაცი ბოკვრების, მორცხვი პინგვინის, დათვი წაბლიას, ზებრა კოპწიკოს და სხვა გარეული ცხოველების 12 ამბავი და უსურვეთ ტკბილი ძილი! |
|
კოლოფი ავტორი: სოფიო კინწურაშვილი, ლილიან ედვალი, გვანცა ჯობავა გამოშვების თარიღი: 2011 ფასი: 9.9 ლარი |
|
ქართულ-შვედური პროექტის ფარგლებში შექმნილი ”კოლოფი” ერთი პატარა გოგონას ამბავს გვიამბობს, რომელიც მშობლებთან ერთად ერთი დიდი ქალაქიდან სხვა ქვეყანაში, ზღვისპირა ქალაქში გადადის საცხოვრებლად. მათი ახალი სახლი დიდია და ლამაზი. გოგონას ქალაქიც ძალიან მოსწონს, სახლიც და ზღვაც. ერთ დღესაც ის ეზოში პატარა კოლოფს იპოვის და მთელი ოჯახი ბევრ რამეს მიხვდება... |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|