|
ყველა
"მერიდიანი"
"Pearson"
ქარჩხაძის გამომცემლობა
ბაკურ სულაკაურის გამომცემლობა
"ლოგოს პრესი"
"არტანუჯი"
"დიოგენე"
"სწავლანი"
"Macmillan Education"
"ინტელექტი"
"Oxford University Press"
ელფის გამომცემლობა
"კლიო"
"მერიდიანი", "კლიო"
"პალიტრა L"
„საქართველოს მაცნე“
„წყაროსთვალი“
"სიდი"
"საგამომცემლო სახლი ტრიასი"
|
|
თამაშის დროა (მაგნიტური წიგნი) ავტორი: გამოშვების თარიღი: 2009 ფასი: 12 ლარი |
|
რას იცვამ ხოლმე ფეხბურთის თამაშისას? ან მაშინ, როცა პლაჟზე ხარ, ან კარნავალზე მიდიხარ? გამოიყენე პატარა კოლოფში მოთავსებული მაგნიტური ფირფიტები და ამ წიგნის პერსონაჟი ბიჭუნები შესაფერის ტანსაცმელში გამოაწყვე.
ეს წიგნი ძალიან მოეწონება თქვენს პატარას:
კარგად გაერთობა
განუვითარდება ფანტაზია და მოტორიკა
ისწავლის ამინდისა და სიტუაციის შესაფერისი ტანსაცმლის შერჩევას |
|
ბულერბიელი ბავშვები ავტორი: ასტრიდ ლინდგრენი გამოშვების თარიღი: 2009 ფასი: 13 ლარი |
|
ბაკურ სულაკაურის გამომცემლობა ასტრიდ ლინდგრენის ცნობილი ნაწარმოების, "ბულერბიელი ბავშვების" განახლებულ, შევსებულ გამოცემას გთავაზობთ.
ლასე, ულე, ბოსე, ლიზა, ანა და ბრიტა შვედეთის ერთ პატარა სოფელში, ბულერბიში, ცხოვრობენ. ამ სოფელში სულ ექვსი ბავშვია და ექვსივე ერთმანეთის მეგობარია – ისინი ერთად თამაშობენ, ერთად დადიან სკოლაში მეზობელ სოფელში, ერთად ეხმარებიან მშობლებს საოჯახო საქმეებში... მოკლედ, ჩვეულებრივი ბავშვებივით ცხოვრობენ, თუმცა მათი ცხოვრება ერთფეროვანი და მოსაწყენი სულაც არ არის: თვითონ იგონებენ უამრავ მხიარულ თამაშსა და გასართობს და ამ თავგადასავლების მთავარი პერსონაჟებიც თავადვე არიან. ბულერბიელი ბავშვების ყოველდღიური, მაგრამ საინტერესო ამბები ნამდვილად დააინტერესებს პატარა მკითხველებს, მათი მეგობრობა კი უსათუოდ მისაბაძი გახდება. |
|
მონტებულსუ ანუ ელის არაჩვეულებრივი მოგზაურობა ავტორი: ზაზა თვარაძე გამოშვების თარიღი: 2009 ფასი: 15 ლარი |
|
ელი, პატარა, მაგრამ უშიშარი გოგონაა, რომელსაც ბოროტი ჯადოქრებისაც კი არ ეშინია. ის არც შორეული სამეფოს დიდებული პრინცესაა და არც ტყისპირას უბადრუკ ქოხში გაზრდილი ღარიბი გოგონა. ელი თბილისში, ღრმაღელის უბანში, ერთ მრავალსართულიან სახლში ცხოვრობს და ომში დაკარგული მამის საძებნელად მარტოდმარტო მიდის ოქროყანისკენ. ბოროტ ჯადოქრებსაც სწორედ ამ გზაზე გადაეყრება...
თუმცა, კეთილი ჯადოქრებიც ხომ არსებობენ?! ალბათ მიხვდი, რომ ბოროტ ჯადოქრებს არ სურთ, ელიმ მამა იპოვოს; კეთილი ჯადოქრები კი პირიქით – გოგონას ეხმარებიან...
წაიკითხე ზღაპარი, იმოგზაურე ელისთან ერთად ოქროყანაში და შეიტყობ, რით დამთავრდება ეს ამბავი და იპოვის თუ არა შვიდი წლის გოგონა თავის მეომარ მამას. |
|
ოქროს კომპასი ავტორი: ფილიპ პულმანი გამოშვების თარიღი: 2009 ფასი: 12 ლარი |
|
ინგლისელი მწერლის, ფილიპ პულმანის ოქროს კომპასის ტრილოგია, რომელიც ფენტეზის ჟანრს განეკუთვნება, 2003 წელს ინგლისელების საუკეთესო საკითხავი წიგნების სამეულში შევიდა; 2005 წელს საბავშვო ლიტერატურაში უმაღლესი, ასტრიდ ლინდგრენის პრემია მოიპოვა;
2007 წელს კი ამ ტრილოგიის პირველი წიგნის მიხედვით გადაიღეს ფილმი სახელწოდებით "ოქროს კომპასი".
ოქროს კომპასი ტრილოგიის პირველი წიგნია. მასში მოქმედება ხდება პარალელურ სამყაროში, რომელიც თან ძალზე წააგავს ჩვენსას, თან ბევრი რამითაც განსხვავდება. წიგნის მთავარი პერსონაჟი 12 წლის ლაირაა. უშიშარი გოგონა მეგობრის გადასარჩენად ჩრდილოეთ პოლუსზე მიემგზავრება. ამ კეთილშობილურ საქმეში ლაირას ბოშები, ჯავშნიანი დათვები და ალქაჯები ეხმარებიან. გოგონას განუყრელი ”თანამგზავრია” ალეთიომეტრიც – უცნაური კომპასი, რომლის დახმარებითაც მომავლის განჭვრეტა მხოლოდ ლაირას შეუძლია.
|
|
ქურდების მბრძანებელი ავტორი: კორნელია ფუნკე გამოშვების თარიღი: 2009 ფასი: 14 ლარი |
|
პროსპერო და ბო ობოლი ძმები არიან, არავინ ჰყავთ დეიდის გარდა, რომელსაც გადაუწყვეტია, უმცროსი ძმა იშვილოს, უფროსს კი ბავშვთა სახლში უკრას თავი. ერთმანეთის დაკარგვის შიშით ბიჭები სახლიდან გარბიან და მშივრები, დაღლილები და გაყინულები, ვენეციაში - შადრევნების, ფრთიანი ლომებისა და სასწაულების ქალაქში ჩადიან. სწორედ აქ გაიცნობენ ქურდების მბრძანებელს, რომელიც, არც მეტი, არც ნაკლები, თორმეტიოდი წლის ბიჭია და, როგორც ბოლოს ირკვევა, სულაც არ არის ქურდი.თუმცა, ეს არ არის ერთადერთი უცნაური რამ - ქურდების მბრძანებელთან შეკედლებულ პროსპერსა და ბოს კიდევ არაერთი ამბავი გადახდებათ თავს.
გულდასმით წაიკითხე წიგნი, მიჰყევი ვენეციის ხიდებს, შადრევნებსა და ქანდაკებებს შორის მოხეტიალე ძმებს და მათსავით შენც დარწმუნდები, რომ ვენეცია ნამდვილად განსაკუთრებული, ჯადოსნური ქალაქია. |
|
ემილის თავგადასავალი ავტორი: ასტრიდ ლინდგრენი გამოშვების თარიღი: 2009 ფასი: 15 ლარი |
|
,ბაკურ სულაკაურის გამომცემლობა” გთავაზობთ ყველა თაობის მკითხველის საყვარელი საბავშვო მწერლის, ასტრიდ ლინდგრენის წიგნების ახალ სერიას. ეს მიმზიდველი, ილუსტრირებული, საიუბილეო გამოცემები საუკეთესო საჩუქარია ყველა პატარა მკითხველისათვის. |
|
რბილი მოძრავი წიგნები ავტორი: გამოშვების თარიღი: 2008 ფასი: 12 ლარი |
|
ქართულ ენაზე გამოცემული წიგნი-სათამაშოები ყველაზე პატარებს გაახარებს. ფუმფულა სათამაშო ამავდროულად ლექსების წიგნია, რომელიც სპეციალური მექანიზმის საშუალებით იქოქება და მოძრაობს.
ბაკურ სულაკაურის გამომცემლობა სამ ასეთ მოძრავ წიგნს გთავაზობთ, ესენია: ბაჭია, პეპელა და სახანძრო |
|
ტომ სოიერის თავგადასავალი ავტორი: მარკ ტვენი გამოშვების თარიღი: 2010 ფასი: 6 ლარი |
|
”ტომ სოიერის თავგადასავალი” მარკ ტვენის ყველაზე ცნობილი საბავშვო წიგნია, თუმცა, თავად ავტორი თურმე დიდხანს ყოყმანობდა, ვერ განესაზღვრა, ვისთვის იყო მისი წიგნები - დიდებისთვის თუ ბავშვებისთვის. მწერალმა ბოლოს ასე გადაწყვიტა: უმთავრესად ბიჭებისა და გოგონებისთვის ვწერდი, მაგრამ იმედი მაქვს, უფროსებიც წაიკითხავენ, რადგან ჩემი განზრახვა იყო, მათთვისაც გამეხსენებინა, როგორები იყვნენ ერთ დროს, ბავშვობაში რას ფიქრობდნენ ან ამბობდნენ, ან რა უცნაურ ოინებს იგონებდნენ ხოლმეო. ამრიგად, ეს წიგნი თანაბარ სიამოვნებას მიანიჭებს ბავშვებსაც და უფროსებსაც. |
|
საიდუმლო კუნძული ავტორი: ჟიულ ვერნი გამოშვების თარიღი: 2010 ფასი: 6 ლარი |
|
კლასიკად ქცეული, ჟიულ ვერნის სულისშემძვრელი, საინტერესო და საოცარი თავგადასავლებით სავსე რომანი ”საიდუმლო კუნძული” მრავალი თაობის მკითხველის უსაყვარლესი საბავშვო წიგნია. შეუძლებელია, გულგრილად წაიკითხო ტყვეობიდან აეროსტატით გამოქცეული, უკაცრიელ კუნძულზე გამორიყული მამაცი ინჟინერი სმიტისა და მისი ოთხი მეგობრის ამაღელვებელი თავგადასავალი - როგორ შეძლო ხუთმა ადამიანმა, ულამაზეს ახალშენებად ექცია წყნარ ოკეანეში მიკარგული უცნობი კუნძული, როგორ მიაგნეს კაპიტან გრანტის მიერ შერისხულ, თაბორის კუნძულზე მარტოდმარტო დატოვებულ აირტონს და როგორ ეძებდნენ ადამიანს, რომელიც კუნძულზე მათი იდუმალი მფარველი და დამხმარე იყო. |
|
ქურდების მბრძანებელი ავტორი: კორნელია ფუნკე გამოშვების თარიღი: 2010 ფასი: 6 ლარი |
|
პროსპერი და ბო ობოლი ძმები არიან, არავინ ჰყავთ დეიდის გარდა, რომელსაც გადაუწყვეტია, უმცროსი ძმა იშვილოს, უფროსს კი ბავშვთა სახლში უკრას თავი. ერთმანეთის დაკარგვის შიშით ბიჭები სახლიდან გარბიან და მშივრები, დაღლილები და გაყინულები, ვენეციაში - შადრევნების, ფრთიანი ლომებისა და სასწაულების ქალაქში ჩადიან. სწორედ აქ გაიცნობენ ქურდების მბრძანებელს, რომელიც, არც მეტი, არც ნაკლები, თორმეტიოდი წლის ბიჭია და, როგორც ბოლოს ირკვევა, სულაც არ არის ქურდი.თუმცა, ეს არ არის ერთადერთი უცნაური რამ - ქურდების მბრძანებელთან შეკედლებულ პროსპერსა და ბოს კიდევ არაერთი ამბავი გადახდებათ თავს.
გულდასმით წაიკითხე წიგნი, მიჰყევი ვენეციის ხიდებს, შადრევნებსა და ქანდაკებებს შორის მოხეტიალე ძმებს და მათსავით შენც დარწმუნდები, რომ ვენეცია ნამდვილად განსაკუთრებული, ჯადოსნური ქალაქია. |
|
კალე ბლუმკვისტის თავგადასავალი ავტორი: ასტრიდ ლინდგრენი გამოშვების თარიღი: 2010 ფასი: 6 ლარი |
|
13 წლის კალე ბლუმკვისტი მოწოდებით დეტექტივია, მაგრამ, სამწუხაროდ, არც ბანდიტებით სავსე ჩიკაგოში ცხოვრობს და არც ლონდონის ჯურღმულებში... ის მშობლებთან ერთად შვედეთის ერთი პატარა, ერთფეროვანი და მოსაწყენი ქალაქის მკვიდრია, რომელსაც სულ ორი ქუჩა და ერთი პატარა მოედანი აქვს. კალესა და მის უახლოეს მეგობრებს, ანდერსსა და ევა-ლოტას, ”თეთრი ვარდების” სახელით შტაბი მოუწყვიათ და ”ალისფერ ვარდებთან” თავდაუზოგავი ომით ირთობენ თავს. ეს ნამდვილი ომი არ გეგონოს - საზაფხულო არდადეგებზე ერთი ჩვეულებრივი გასართობია. ნამდვილი თავგადასავალი კი მაშინ იწყება, როცა ქალაქში უცნაური დანაშაული ხდება და საქმეში პოლიცია ერთვება. დეტექტივი კალე ბლიმკვისტი მეგობრებთან ერთად პოლიციის პარალელურად იძიებს საქმეს და დიდი წარმატებითაც. ეს წიგნი კალე ბლუმკვისტის ორ თავგადასავალს აერთიანებს. |
|
განძის კუნძული ავტორი: რობერტ ლუის სტივენსონი გამოშვების თარიღი: 2010 ფასი: 6 ლარი |
|
დიდზე დიდ საიდუმლოს ინახავს მოხუცი მეკობრის, ბილი ბოუნზის ძველი, კუთხეებშემოცვეთილი ზანდუკი, რომლის ხელში ჩაგდებას ბევრი სხვა მეკობრე ცდილობს და ამისათვის კაცის მოკვლასაც არ ერიდება. თუმცა ზანდუკში საგულდაგულოდ ჩაკეტილ საიდუმლო ნივთს - განძის კუნძულის რუკას - პატარა ბიჭი, ჯიმი ჰოკინზი დაეუფლება და აქედან დაიწყება კიდეც მისი ფათერაკებით სავსე, საინტერესო თავგადასავალი ზღვასა თუ ხმელეთზე. |
|
თეთრი ეშვი ავტორი: ჯეკ ლონდონი გამოშვების თარიღი: 2010 ფასი: 6 ლარი |
|
ჩრდილოეთის უდაბურ მხარეში მშიერი მგლების ხროვა დაძრწის. მათ შორისაა კიჩი, სანახევროდ მგელი, სანახევროდ კი ძაღლი, შესაბამისად – მგელივით დაუნდობელი, სამაგიეროდ, ძაღლივით ჭკვიანი და მოხერხებული.
თუმცა, წიგნის მთავარი პერსონაჟი კიჩი კი არა, მისი ლეკვია – თეთრი ეშვი. ასე ის მისმა პირველმა პატრონმა, მკაცრმა და გულცივმა ინდიელმა, რუხმა თახვმა მონათლა. მას მერე თეთრმა ეშვმა არაერთი პატრონი გამოიცვალა და, საბოლოოდ, დაუნდობელ არსებად იქცა.
ბოლოს და ბოლოს, მას უიდონ სკოტი პოულობს... |
|
აივენჰო I ნაწილი ავტორი: უოლტერ სკოტი გამოშვების თარიღი: 2010 ფასი: 6 ლარი |
|
ისტორიული რომანების კლასიკოსის – უოლტერ სკოტის "აივენჰო" ერთ-ერთი ყველაზე ცნობილი რომანია. ერთმანეთთან დახვეწილად შერწყმული მე-12 საუკუნის ინგლისის ისტორია და ცნობილი, დასამახსოვრებელი პერსონაჟების ამაღელვებელი ამბები მკითხველს შუა საუკუნეების "მხიარულ ინგლისში" მოგზაურობას ჰპირდება.
სამეფო კარის ინტრიგების, ნორმანთა მიერ დაპყრობილი საქსონელების უძველესი სამეფო დინასტიის აღდგენისთვის ბრძოლისა და რაინდული ასპარეზობების პარალელურად ცნობილი მეფე-ჯვაროსანი – რიჩარდ ლომგული ქვეყანაში დახეტიალობს და „შავი რაინდის" სახელით ებრძვის მტრებს. მეფისა და მისი ერთგული რაინდის – მამაცი უილფრედ აივენჰოს, მშვენიერი ებრაელი მკურნალი ქალის – რებეკას, კეთილშობილი, ლეგენდარული ყაჩაღის – რობინ ჰუდისა და მრავალი საინტერესო პერსონაჟის თავგადასავალი ყველა თაობის მკითხველს ერთნაირად იზიდავს. |
|
აივენჰო II ნაწილი ავტორი: უოლტერ სკოტი გამოშვების თარიღი: 2010 ფასი: 6 ლარი |
|
ისტორიული რომანების კლასიკოსის – უოლტერ სკოტის "აივენჰო" ერთ-ერთი ყველაზე ცნობილი რომანია. ერთმანეთთან დახვეწილად შერწყმული მე-12 საუკუნის ინგლისის ისტორია და ცნობილი, დასამახსოვრებელი პერსონაჟების ამაღელვებელი ამბები მკითხველს შუა საუკუნეების "მხიარულ ინგლისში" მოგზაურობას ჰპირდება.
სამეფო კარის ინტრიგების, ნორმანთა მიერ დაპყრობილი საქსონელების უძველესი სამეფო დინასტიის აღდგენისთვის ბრძოლისა და რაინდული ასპარეზობების პარალელურად ცნობილი მეფე-ჯვაროსანი – რიჩარდ ლომგული ქვეყანაში დახეტიალობს და „შავი რაინდის" სახელით ებრძვის მტრებს. მეფისა და მისი ერთგული რაინდის – მამაცი უილფრედ აივენჰოს, მშვენიერი ებრაელი მკურნალი ქალის – რებეკას, კეთილშობილი, ლეგენდარული ყაჩაღის – რობინ ჰუდისა და მრავალი საინტერესო პერსონაჟის თავგადასავალი ყველა თაობის მკითხველს ერთნაირად იზიდავს. |
|
|
|
|
|
საფრანგეთის ერთ-ერთმა მსხვილმა გამომცემლობა “ბენევანმა” 2012 წლის მარტის პირველ დეკადაში გამოსცა ქართული ლექსების კრებული სათაურით “ქართული ლექსების რვეული“, რომელიც შეკრიბა და თარგმნა იზა ჯინჯიხაძემ.
გამომცემლობა “ბენევანის“ პრეს-კომიუნიკეში, რომელიც დაიგზავნა საფრანგეთის სხვადასხვა მედიაში (ტელერამა, ფიგარო, ნუველ ობსერვატორი, ლიბერასიონი, პარი-მატჩი) და გავრცელდა მსოფლიოს მსხვილ ფრანკოფონურ წიგნების მაღაზიებში, წერია: “ქართული ლექსების რვეული “უმღერის და ადიდებს სიყვარულს, სიყვარულს, რომელიც, როგორც “სრული ნიჭი”, ამკობს ადამიანს და “ციცინათელასავით” უნათებს ღამეში ეკლიანსა და მძიმე ცხოვრების გზას. მოყვანილია სერჟ ანდრიოსა და ჟან ბატიუს ციტატები:
„ რა შესანიშნავი აზრია - გააცნო ფრანგულენოვან მკითხბელს შენი ქვეყანა საოცარი სილამაზის ლექსების თაიგულით და ახალი, სპეტაკი სიოს მონაბერით მრავალსაუკუნოვანი საქართველოსაგან“ ჯან ბატიუ , ისტორიულ მეცნიერებათა დოქტორი, ფრანგული ენისა და ლიტერატურის პროფესორი
„ კითხულობ ლექსებს და გიტაცებს თარგმანის საოცარი მუსიკალურობა და სიტყვების უწყვეტ ნაკადად აჟღერებული, გულში ჩამწდომი ქართული პოეზიის ფრანგული ვერსია თუმცა მთარგმნელი არასდროს არ ღალატობს ორიგინალს„ სერჟ ანდრიო , ლიტერატორი, ფილოსოფიის პროფესორი
წიგნი იყიდება პარიზსა და სხვადასხვა ქვეყნის ფრანგულენოვან წიგნების მაღაზიებში ასავე დადებულია Amazon-ზე. თბილისში წიგნი იყიდება: წიგნის სახლში (ლიტერატურული კაფე, პეკინის ქ. 31), ესპერანცაში (სენტ-ეგზიუპერის ქ.12), პარნასში (ჭავჭავაძის გამზ. 22)
|